زندگی کے ایک مقام پر آ کر انسان یہ سمجھ جاتا ہے کہ ہر دل میں اپنی جگہ بنانا ممکن نہیں۔ کچھ لوگ آپ کو غلط سمجھیں گے، کچھ آپ کی خاموشی کو غرور کا نام دیں گے اور کچھ آپ کی نرمی کو کمزوری سمجھ بیٹھیں گے۔ پہلے میں ہر غلط فہمی کو دور کرنے کی کوشش کرتا تھا، ہر سوال کا جواب دینا ضروری لگتا تھا، مگر پھر احساس ہوا کہ وضاحتیں صرف الفاظ کو تھکا دیتی ہیں، دلوں کو نہیں بدل سکتیں۔ اب میں نے سیکھ لیا ہے کہ ہر جنگ لڑنا ضروری نہیں ہوتی۔ کچھ باتوں کو وقت کے حوالے کر دینا ہی بہتر ہوتا ہے۔ جو لوگ آپ کو سمجھنا چاہتے ہیں، وہ ایک خاموشی سے بھی مطلب پا لیتے ہیں، اور جو سمجھنا نہیں چاہتے، ان کے لیے ہزار وضاحتیں بھی ناکافی رہتی ہیں۔ اس لیے اب میری ترجیح دوسروں کی رائے نہیں، اپنے دل کا سکون ہے۔ میں نے خود کو لوگوں کی توقعات کے بوجھ سے آزاد کر دیا ہے۔ کیونکہ آخر میں انسان کو دنیا کے شور سے نہیں، اپنے اندر کے سکون سے جینا ہوتا ہے۔ اور جب دل مطمئن ہو جائے تو لوگوں کے فیصلے، تبصرے اور قیاس آرائیاں اپنی اہمیت کھو دیتی ہیں۔ #fyp #urduline #Summer #sunset #nature - @aminajaved23