@sediq.rehan: خوست کې د جګړې د مخنيوي هڅه! حقا..ني صاحب له پيله په دې هڅه او لټه کې و چې خوست کې له جګړې او وينو تويولو پرته له مجا..هد ينو سره د پيوستون چاره سرته ورسېږي. له همدې ځايه وه چې خوست کې يې د رژيم ځواکونو ته د تسليمېدو پر ځای د يو ځای کېدو وړانديز وکړ. ده په خپلو غوښتنو او سوله ييزو وړانديزونو کې د پيوستون او يو ځای کېدو ټکي کارول نه د تسليمېدو يا وسلې اېښودو هغه. ده د پوځ عزت النفس او روحياتو ته په کتو ټاکلی او د قيق ټکي او لغتونه کارول. همېشه يې له دوی سره د اړيکو په هڅه کې کارېدلي ټکي او جملې په دقيقه توګه تلل او په دې لار کې يې هېڅ شونتيا او وسيله چې د جګړې او وينو تويېدو مخه ونيسي له پامه نه غورځوله، د ضابط عمرخان (محمد عمر اڅړ) په وينا چې حقا..ني صاحب دی جنرال شهنواز تڼي ته ولېږه چې که شونې وي په خوست کې د پرتو ځواکونو تر منځ له خپل اثر او رسوخ چې ده يې ادعا لرله ګټه پورته کړي، چې له جګړې او وينو توېيدنې پرته يې له مجا.هد ينو سره د پيوستون مخه پرانيستل شي، چې که خدای کول دغسې يو پيوستون په هېواد کې له جګړې او وينې توېيدنې پرته د سولې، اس.لام.ي حکومت او ثبات پر وړاندې پراته خنډونه له منځه يوسي. د عمرخان په خبره چې د همدغه کتاب د تأثراتو په برخه کې يې تفصيل موجود دی جنرال تڼي ده ته په خوست کې د پرتو ځواکونو د قوماندانانو په نامه څو ليکونه ورکړل چې هغوی ته مو ورسول. خو هغوی له هر ډول پوهاوي او مذاکراتو رد ځواب ورکړ او جنرال تڼی يې په ملي خيانت تورن باله. دا چې بيا یې څه وکړل راتلونکي کې به شریک شي.