“နမြောတသ..ဘိုးသာအောင်ကုန်းတံတား” နတ်တလင်းနှင့် ပေါင်းတည် မြို့ကြား နယ်နိမိတ်သတ်မှတ်ထားသော ဘိုးသာအောင်ကုန်းချောင်း တံတားသည် သမိုင်းဝင် နေရာတစ်ခုဖြစ်ပါသည်။ (အောင်ဆန်းသူရိယ ဘွဲ့ ဗိုလ်မှူးအေးချို ရခဲ့သည့်နေရာ) - “ထိုတံတားကို ယခု ဖျက်သိမ်း၍ ပြန်လည် အသစ်ဆောက်ကြမည် ..တဲ့..” - “ လမ်းချဲ့ စီမံကိန်းကြောင့် တံတားအကြီးပြန်ဆောက်ကြမှာ တဲ့..” ဆိုတဲ့ သတင်းက ဒေသခံများကြား ပျံ့လွင့်ကာ တံတားကြီးကို နမြောတသ ဖြစ်နေကြသည်။ နမြောလည်း နမြောချင်စရာပါ.. ရထားလမ်း နှင့် ကားလမ်းအပြိုင် တည်ရှိလျက် စိန်ပန်းပင် ကုက္ကိုလ်ပင်ကြီးများ ခြံရံနေသောတံတားကြီး ဖြစိ သလို..၊ ၄-၁-၆၈ ဆိုတဲ့ရက်စွဲလေးက တံတားမှာရေးထိုးထားတော့.. လွန်ခဲ့သော နှစ်ပေါင်း ၆၀ လောက်က တည်ဆောက်ခဲ့တာလို့ ပြောလို့ရသည်။ ဒါဆို ဖျက်မည့် တံတားကြီးက ကြံ့ခိုင်မှု အားနည်းနေလို့လား / အန္တရာယ် ရှိနေပြီလား../ ကျိုးကျတော့ မှာလား ဆိုတော့လည်း.. ဘာမှမဖြစ်။ အကောင်းအတိုင်း.. ဘာ အားနည်းချက်မှ မရှိ တဲ့.. ။ ရန်ကုန်- ပြည် လမ်း ချဲ့ စီမံကိန်းကြောင့် ဆိုရင်လည်း တံတားကြီးဘေးမှာ အသွားလမ်း/ အပြန်လမ်း အဖြစ်အသစ်တံတားတစ်ဆင်း ထိုးလို့မရဘူးလား..(ဥပမာ- ရန်ကုန်- ပြည် လမ်းပေါ်က ကြို့ပင်ကောက်နှင့် အုတ်ဖိုမြို့ကြားက လင်းလွန်းပင်တံတား/ မင်းလှမြို့နယ်ထဲက ကိုင်းပင်ကြီးတံတား ပုံစံမျိုး တံတားဟောင်း/တံတားသစ် အသွားလမ်း/အပြန်လမ်း လုပ်လို့မရဘူးလား..) စသည်ဖြင့် မချိတင်ကဲ ဖြစ်နေကြသည်။ ထို့ကြောင့် အဆိုပါ ဘိုးသာအောင်ကုန်း တံတားကြီးကို ဘာအကြောင်းကြောင့် လုံးဝ ဖျက်သိမ်းချင်ကြသနည်း။ စတဲ့ မေးခွန်းတွေက စီတန်းနေသည်။ “တံတား ဖျက်သိမ်းခ ဘတ်ဂျက်/ အသစ်ပြန်လည် တည်ဆောက်ရမည့် ဘတ်ဂျက် ကုန်ကျငွေ နှစ်ခုပေါင်းကို.. လက်ရှိတံတားများကို မဖျက်ပဲ လှပသောဒီဇိုင်း ဖြင့် ဘေးကနေ နောက်တစ်စင်း ထပ်တည်ဆောက်လို့ မရဘူးလား..” စသည်ဖြင့် တွေးစရာတွေ ဖြစ်သလို.. ဒေသခံတွေကလည်း ဘိုးသာအောင်ကုန်း တံတားကြီး..ကို မိသားစုဝင် တစ်ဦးလို ဖြစ်နေကြသည်။ ဖျက်သိမ်းမယ် ဆိုတော့ စိတ်မကောင်းကြ..။ ကိုယ်တိုင်လည်း ဝမ်းနည်းသလို ခံစားမိနေသည်။ ဒါကြောင့်.. ဘိုးသာအောင်ကုန်း တံတားကြီး ဖျက်သိမ်းမည် ဆိုတဲ့ သတင်းသည်..ကောလဟလ ဖြစ်ပါစေ.. အတည်မဖြစ်ပါစေနဲ့ လို့ ဆုတောင်းရုံမှ တပါး အခြားမရှိတော့ပါပြီ။ KLZ. 15-6-2026 - @kyawlin7124