@sopheakfn: លោក គួច ចំរើន អភិបាលខេត្តកណ្ដាល បានអំពាវនាវអ្នកដែលបានទិញទំនិញ សាច់ប្រហិត (ប្រហិតសាច់ក្តាម នំប៉ាវ ហតដក និងប្រហិតចម្រុះ១៣មុខ) ដែលខូចគុណភាពពីយីហោ TSP ប្រគល់ជូនសមត្ថកិច្ចវិញ ចៀសវាងប៉ះពាល់ដល់សុខភាពអ្នកបរិភោគ។ ការអំពាវនាវនេះ បានធ្វើឡើងនៅថ្ងៃទី១៥ ខែមិថុនា ឆ្នាំ២០២៦នេះ ពេលលោកអភិបាលខេត្ត ដឹកនាំកម្លាំងសមត្ថកិច្ច និងមន្រ្តីជំនាញ ចុះត្រួតពិនិត្យឃ្លាំងស្តុកទំនិញនាំពីថៃ ស្ថិតនៅភូមិព្រៃបឹង ឃុំបែកចាន ស្រុកអង្គស្នួល។ លោកអភិបាលខេត្តកណ្តាល សូមផ្តាំដល់អ្នកដែលទិញទំនិញទាំងនេះ កុំយកទៅចែកចាយ ឬលក់បន្ត និងសូមផ្ដល់កិច្ចសហការជាមួយសមត្ថកិច្ចប្រគល់ទំនិញទាំងអស់នោះមកឱ្យក្រុមការងារ ដើម្បីធ្វើការត្រួតពិនិត្យ បញ្ជៀសកុំឲ្យប្រជាពលរដ្ឋយកទៅបរិភោគ នាំឱ្យប៉ះពាល់ដល់សុខភាពយ៉ាងធ្ងន់ធ្ងរ។