၁. ခုနှစ်ကြိမ်လဲရင် ၊ ရှစ်ကြိမ် ထရမယ်။ ဘယ်လောက် လဲကျနေပါစေ ၊ ထပြီး လျှောက်သူသာ ခရီးဆုံးကို ရောက်နိုင်ပါတယ်။ ၂. ဖုန်မှုန့်တွေ စုပုံလာရင် တောင် ဖြစ်မယ်၊ ရေစက်တွေ စုပုံလာရင် ပင်လယ် ဖြစ်တယ်၊ ဒါကြောင့် သေးငယ်တဲ့အရာတိုင်းက တစ်ချိန်မှာ ကြီးမားတဲ့အရာတွေ ဖြစ်လာ နိုင်တယ်ဆိုတာ မမေ့ပါနဲ့။ ၃. သစ်ပင်တက် ကျွမ်းကျင်တဲ့ မျောက်တောင် အပင်ပေါ်က ကျတတ်ပါတယ် ၊ ဒါကြောင့် ဘယ်လောက်ကျွမ်းကျင်နေပါစေ ၊ မပေါ့ဆပါနဲ့။ ၄. အပြင်ကို ထွက်နေတဲ့ သံချောင်းဟာ တူချက် မိနိုင်ပါတယ် ၊ ဒီသဘောအတိုင်းပဲ သူများထက် ချွန်ထွက် နေတဲ့သူ ၊ ထင်ပေါ်နေတဲ့သူတွေဟာ ပိုပြီး ဝေဖန် တိုက်ခိုက် ခံရတတ်တာ သဘာဝပဲ။ ၅. မဆင်မချင် ပြောတတ်တဲ့ ပါးစပ်ဟာ ဒုက္ခတွေရဲ့ အရင်းအမြစ်ပါပဲ။ ဒါကြောင့် နှုတ်ကို စောင့်ထိန်းပါ ၊ ပါးစပ်တစ်ပေါက်ကြောင့် လူမုန်းများသူ မဖြစ်ပါစေနဲ့။ ၆. သင်ယူပါ ၊ လက်တွေ့လည်း လုပ်ပါ။ သင်ထားတဲ့ အတတ်ပညာတွေကို လက်တွေ့ အသုံးမချခဲ့ရင် ဒါဟာ တုံးအခြင်းတစ်မျိုးပါ။ ၇. ဒီရွာကိုရောက်ရင် ဒီရွာရဲ့စည်းကမ်းကို လိုက်နာပါ။ နေရာ ဒေသတိုင်းမှာ မတူညီတဲ့ ဓလေ့ထုံးစံနဲ့ ယဥ်ကျေးမှုတွေ စည်းကမ်း ဉပဒေတွေ ရှိတာ ကြောင့် လိုက်နာ နေထိုင်တတ်ဖို့ လိုပါတယ်။ ၈. ကောင်းတာကို မြန်မြန် လုပ်ပါ ၊ များများလုပ်ပါ။ ကောင်းတဲ့အရာတွေ လုပ်ဖို့ အချိန်မဆွဲပါနဲ့ ၊ လက်တွေ့လုပ်ရင် လက်တွေ့အကျိုး ခံစားရ ပါလိမ့်မယ်။ ၉. ရေတွင်းထဲကဖားဟာ သမုဒ္ဒရာကို မသိဘူး။ နေရာသေးသေးလေးမှာ ပျော်မွေ့နေတဲ့သူဟာ ပိုမိုကြီးကျယ်တဲ့နေရာတွေရဲ့ အကြောင်းကို သိနားလည်ဖို့ မကြိုးစားပဲ ရေတွင်းထဲက ဖားလို ဖြစ်နေတတ်ပါတယ်။ ၁၀. အပင် မစိုက်ပဲ အသီးမစားချင်နဲ့။ ကြိုးစားအားထုတ်မှု မရှိပဲ ဘယ်အရာမှ လွယ်လွယ် မရနိုင်ပါဘူး။ #crd_to_owner_with_respect #fyp - @z.h.l10