@ciise_ruush1: Waan ka warqabaa waayahaaga, waxa aan dareensanahay hanka kugu jira, waxa aan ogahay inaad meel dhexe taagan tahay oo aad wax badan tabanayso, waxa aad rabtaa inaad noloshan ka lib keento, waxa aad ku hamiyeysaa waxyaabo badan, inaad dhoofto ama inaad guursato ama inaad dhaqaale samayso ama inaad magac yeelato ama inaad guulleysato. Jid dheer baad haysaa, jidkan aad marayso dad badan baad soo dhaaftay, qaar baad isku meel maraysaan, qaar baa kaa horreeya, qaar aad mar hore soo dhaaftay ayaa si xawaare leh kugu dhaafay daqiiqad aad is tidhi yara naso, ha isku dayin in aad dadka ka daba cararto, sababtoo ah wax adiga ku khuseeya uma ordayaan ee noloshooda gaarka ah ayey wataan, ma jirto saaxiib cid tartan kugula jirtaa, ma jirto cid noloshaada ku mashquulsan, sidaas darteed is deji, iska naso, marka aad adigu rabtana doonistaada ku kac, yaanu ku carin waxqabadka dadka kale, waayo adiga waxaa waxba kaamay gelin. i dhegayso noloshu waa MARAAXIL, waa maalmo isbedelaya, waa waaberi iyo gabal dhac, waa tagto, taagan iyo timaaddo, waa socod joogto ah, waa halgan joogto ah, waa dhacdooyin kala duwan, waa daqiiqado kala duwan oo isla xaalado kala duwan la galo. Dariqaagu waa gaar, xisaabtaadu waa gaar, dedaalkaagu waa gaar, noloshaada oo dhami waa gaar, sida aanad muuqaal ahaan dadka ugu eekayn, ayaanay noloshaaduna dadka ula mid ahayn, cidna ha isku dhererin saaxiib, maalmahaagu way imanayaan, dedaalka kuma hungoobaysid, niyaddaada wanaaji sababtoo ah ilaahay niyooyinka wanaagsan ma dayaco. gacale/gacalo maalmihii wacnaa way soo socdaan, noloshu way kuu kala kacaysaa, keliya ha quusan sababtoo ah wax qudha ee aynu haysannaa waa rejada, taasi yaanay kaa dhiman. Farxad iyo raynrayn baad u qalantaa, inaad waxa aad rabto hesho ayaad u qalantaa, inaad sidaad rabto u noolaato ayaad u qalantaa, wanaag badan baad u qalantaa ha is dhiibin, haka werwerin timaaddada ee ku nooloow taagantaada.

ARSADE.𓃵

Open In TikTok:

Region: SO

Monday 15 June 2026 13:04:24 GMT