@yared1805: 🌱አንድ መልካም ትጉህ ሰው ነበር፤ ሥራና ፍቅር ብቻ የሚያውቅ። ሲኖር ሲኖር ታዲያ አንዲት እጅግ የምታምር ቆንጆ ሴት ያገባል። ውበቷ እጅግ ውብ ቢሆንም ጸባይዋ ግን የመረረ፣ ሰላም የሌላት ሆነች። ጎረቤት ጋ፣ ዘመድ ጋም ሆነ ባሏ ጋ አትስማማም፤ ምንም ዓይነት ጓደኛ የላትም። 🌱“ስትወልድ ትስተካከላለች” እያለ ለመቻል ሞከረ። ሴት ልጅ ወለደችለት፤ አመሏ ግን የባሰ እየከፋ ሄደ። ሌላም አልወልድ አለች። ሰውየው ተስፋ አልቆረጠም፤ “ልጄ ስታድግ ሰላም አገኛለሁ” አለ። ልጅቷም በጣም ቆንጆ፣ ደግሞ የሷ ጸባይም ከእናቷ የባሰ ውሻ ሆነች። 🌱ተስፋ ቆረጠ፤ ግን ለመቻል ወሰነ።ልጅቷም ክፉነቷ በአገሩ በሙሉ ተሰማ። ለትዳርም ሆነ ለጓደኝነት የሚፈልጋት ጠፋ። የሆነ ጊዜ አንድ መልከመልካም ወጣት ቤታቸው መጣና አባቷን “ልጅዎን ይስጡኝ ላግባት” ይላል። 🌱አባትየውም “አይ የኔ ልጅ፣ ገና ወጣት ልጅ ነህ፤ ምን አድርገህ... የምትቃጠል፣ አትሆንህም” አሉት።ገገመ።ተው ቢሉት፣“እምቢ! ይፍቀዱልኝ ብቻ” አላቸው።“አይ ልጄን ትገልብኛለህ” ቢሉት አሻፈረኝ አለ በመጨረሻ ሰጡት።አግብቶ ይዟት ሄደ፤ ቤቱ ምንም የለም፣ አንድ ድመትና ዶሮ ብቻ ነው ያለው። 🌱ሚስቱን ገና ወስዷት ሳሎን ቁጭ እንዳሉ ዶሮው መጣና ከፊታቸው ጫረ።“ኩት” አለው፣ ደገመ፤ እምቢ ሲለው አንድ ወፍራም እንጨት አነሳና አናቱን ብሎ ገደለው።ቀጥሎ ድመቷ ሚያው…ሚያው… እለች ስትረብሽ ብስ.. አላት ደገመ፤ ዝም አልል ስትል በሦስተኛው አናቷን ብሎ ገደላት ።ሚስቱ ለመጀመሪያ ጊዜ ደነገጠች።እንድህ ስትል ባሏን ጠየቀችውም “አንተዬ ያለህን ሁለት ነገር በደቂቃ ውስጥ አጠፋህ?” ስትለው ባል “ጸባዬ ነው፤ ሁለቴ እናገራለሁ፣ካልሰሙ አማራጬ መግደል ብቻ ነው” አላት። 🌱በዚህ ጊዜ ሚስት የባሏን ባህሪ አወቀችና ተስተካከለች፤ ያዘዛትን ብቻ ሳይሆን ገና ሊናገር ሲል የፈለገውን እስከማወቅ ሰለጠነች (ገራች😂 ለመናጢ የሚሆን ቃል)። ከሁለት ሳምንታት በኋላ አባቷ ሐሳብ ገባውና ሊጠይቃቸው ቢሄድ፣ ቤት አያያዟ፣ ታዛዥነቷ፣ትሕትናዋና ፍጥነቷ ሌላ ሆና አገኛት። አባት በጣም ተገርሞ፣ ተጫውቶ ተመለሰ። 🌱በሌላ ቀን ቤት ሙክቱን አርዶ መልስ ጠራቸውና ሄዱ።ልጃቸው ከበፊቱ የበለጠች ባለሙያና ታዛዥ ሆናለች። እየተጫወቱ ከርመው ሊመለሱ ሲሉ አባቷ የልጃቸውን ባል ጠሩና “ልጄ እንደው ምን አደረግካት? እንዴት ይሄ ሊሆን ቻለ? እባክህ ምስጢሩን ንገረኝና እኔም የሚስቴን አመል ልቀይርና እርፍ ልበል፤ የዕድሜ ማምሻዬንም ልደሰት፣ እናቷን የማርምበትን መንገድ ጠቁመኝ” አሉት። 🌱ወጣቱም “አንድ እርጥብ ጠማማ እንጨትና ደረቅ ጠማማ እንጨት አምጥቶ እርጥቡን እንጨት በእሳት ለብ ለብ አደረገና ሲያርቀው ተስተካከለ።ደረቁን ወደ እሳት ሲያቀርበው ሊቃጠል ነው፤ ጠማማውን ለማቃናት ሲረግጠው ተሰበረ። በዚህ ጊዜ የሚስቱን አባት እንድህ አላቸው “አባቴ የኔ ሚስት ወጣት ልጅ ስለሆነች ለመስተካከል ጊዜ አላት። የእርስዎ ሚስት ባህሪ ግን እንደ ደረቁ እንጨት ነውና ወይ ቻሉ ወይ ግደሉ እንጂ አይስተካከሉም” አላቸው። ✅በጊዜ ያልታረመ አመል ሲቆይ ማንነት ይሆናል።ከሰዎች ጋር ስንኖር ችግሮቻችንን በጥበብ ለመፍታት ካልተቻለ ሰዎች ከዚህ በፊት የነበራቸውን ባህሪ ወይም ማንነት በትግል ለመቀየር ከመሞከር ይልቅ በትዕግስትና በመቻቻል ማለፍ በሰላም አብሮ ለመኖር እጅግ ጠቃሚ መፍትሄ ነው። 🌱አንዳንድ ሰው በፈሊጥ ሲገባቸዉ፤አንዳንዶች ደግሞ በፍልጥ ካልሆነ አይገባቸውም።በህይወት ጎዳና እውቀት ቀዳሚ ነገር ነው፤ጥበብም ወሳኝ ነው፤መረዳት ከለለ ግን እውቀትም ሆነ ጥበብ ከንቱ ነው።አንዳንድ ጉዳዮች በንግግር ሲፈቱ አንዳንድ ጉዳዮች ግን አይቶ እንዳላየ ፣ሰምቶ እንዳልሰማ በማለፍ ሰዎች በራሳቸው ፈቃድ እንድስተካከሉ ያደርጋል!! 🤌🏾ሁሉም ሰው ይማርበት ዘንድ ሸር አድርጉት🫶🏽 እግዚአብሔር ማስተዋልን ጥበብን እውቀትን ከፍቅር ጋር ይስጠን አሜን🙏እግዚአብሔር ብርሃኔና-መድሃኒቴ ነው።#everyone #

Yared Official

Open In TikTok:

Region: ET

Monday 15 June 2026 13:53:20 GMT