@myheartsshare0: أنا الفترة دي ما فاضية لأي زول… لا لكلام الناس، لا لتعليقاتهم، لا لنظرتهم لي…الناس البتقول إنتي اتغيرتي، إنتي بقيتي قاسية، إنتي بقيتي مفتريه… الحقيقة إنكم ما فاهمين أنا مريت بشنو عشان أوصل للنقطة دي أنا ما اتغيرت… أنا بس صحيت من إني أرضي الكل وأنسى نفسي، صحيت من إني أدي بدون مقابل، صحيت من إني أتحمل فوق طاقتي عشان ناس ما مقدرين الأيام دي أنا مشغولة بي نفسي… مشغولة بي تجهيزات أجمل مرحلة في حياتي، مرحلة أنا استاهلها من زمان مرحلة فيها راحة، فيها حب حقيقي، فيها تقدير بدون ما أطلبوأنا بجهز لي نفسي للزول البحبني بصدق، البخاف علي، البهتم بأدق تفاصيلي، البشوفني أول اختيار وما خيار احتياطي… الزول البيدلعني، البوقف معاي، البخليني أضحك من قلبي بدون خوف بجهز لي نفسي عشان أكون النسخة الأحسن مني نسخة هادية، واثقة، قوية، ما بتنكسر من كلام، وما بتتأثر من رأي زول نسخة بتعرف قيمتها وما بتقبل أقل من الحاجة البتستاهلهاعشان كده أي زول عندو كلام، يخليهو عندو. أي زول شايفني اتغيرت، يشوفني بالطريقة البتريحو. أنا ما عندي زمن أشرح نفسي، ولا أبرر تصرفاتي، ولا أرضي زول على حساب راحتي أنا مركزة في سعادتي… في مستقبلي و حياتي الجاية والزول البحبني بجد… حيشوف التغيير ده نعمة ما حيعتبره مشكلة… حيكون فخور بي، حيكون ممتن إني بقيت كده، لأنو النسخة دي هي البتستاهل حب حقيقي أنا ما بقيت قاسية أنا بقيت واعية وما بقيت مفترية أنا بس بطلت أقبل القليل والفترة دي نفسي أولاً… راحتي أولاً… حياتي أولاً…واي حاجة غير كده، ما عندها مكان عندي 🤍 #على_عتبة_النهاية #explorepageready #السعودية #جخو،الشغل،دا،يا،عالم،➕_❤_📝إكسبلورر #الشعب_الصيني_ماله_حل😂😂

𝐉𝐚𝐛𝐫𝐚𝐭 𝐊𝐡𝐚𝐭𝐞𝐫♥️🌹

Open In TikTok:

Region: SA

Monday 15 June 2026 14:36:02 GMT