@cherok67: #koya من دایک و باوکم هەیە و سێبەری پیرۆزی ئەوان بەسەر ژیانمەوەیە و خودا تەمەنیان درێژ بکات و لە منی تال نەکات بەڵام بۆ ئەوەی مرۆڤ لە قوڵایی کارەسات و ئازارێک تێبگات مەرج نییە خۆی لە ناو کانوونی ئەو ئاگرەدا سووتا بێت چونکە من دەتوانم داستانێک بنووسم لەسەر بێ دایک و باوکی کە تێیدا مەرگی ناخی مرۆڤەکان گێڕانەوەی لەسەر بکرێت کاتێک لە دەوروبەرم دەڕوانم و لە ناخ تەنیایی و چاوی منداڵێکی بێناز یان گەورەیەکی دڵشکاو ورد دەبمەوە کە تەپوتۆزی غەریبی و بێ کەسی ڕوخساری گرتووە لە ناخەوە تێکدەشکێم و دەگریم و هەست بەو بۆشاییە گەورە و تۆقێنەرە دەکەم کە هیچ سەروەت و سامان و ناو و ناوبانگێک لەم گەردوونە پان و بەرینەدا ناتوانێت پڕی بکاتەوە چونکە بێ دایک و باوکی تەنها چۆڵبوونی کورسییەکی ناو ماڵ یان نەبوونی ناوێک نییە لەسەر لاپەڕەی ناسنامەکان بەڵکو ڕوتبوونەوەیەکی تەواوە لەبەردەم باوبۆران و جەنگی بێبەزەییانەی سەرما و گەرمای ئەم ڕۆژگارە غەدارە کاتێک دایک لە ماڵدا نامێنێت ئەو ماڵە چەندە چۆڵ و تاریک و سارد دەبێت وەک ئەوەی یەکجار و بۆ هەمیشە ڕۆحی لەبەر چووبێت چونکە دایک تەنها مرۆڤ نییە بەڵکو ئەو قەڵغانە بەهێزەیە کە بە نزا کتوپڕ و دڵسۆزانەکانی مرۆڤ لە هەزار بەڵا و داوی ڕۆژگار دەپارێزێت و کاتێکیش باوک سەر دەنێتەوە پشتێنی حەوانەوە و شکۆمەندی و شانازی مرۆڤ بە تەواوی دەشکێت و پیاو چەندە گەورە و بەهێز و خاوەن دەسەڵات بێت بە بێ باوک هێشتا وەک منداڵێکی ترساو و وێڵ وایە لە کۆڵانێکی تاریک و نامۆدا کە نازانێت بەرەو کوێ هەنگاو بنێت ئەوانەی بێ دایک و باوکن پاڵەوانی داستانێکی زۆر قورس و خوێناوین کە ڕۆژگاری دڵڕەق بە زۆر بەسەریاندا دەسەپێنێت و ئەوان ناچار دەبن پێش تەمەنی خۆیان و پێش کاتی خۆیان گەورە ببن و ناچار دەبن بە دەستی لەرزیوی خۆیان فرمێسکی سەر ڕوومەتی خۆیان بسڕن و بە تەنیا و بێ پشت و پەنا ڕووبەڕووی جەنجاڵی و چەپەڵی و فێڵبازی ئەم جیهانە سەیرە ببنەوە مرۆڤ کە دایک و باوکی نەما ئیتر هێدرۆجن و قەڵغانی بەرگری نامێنێت و دەکەوێتە هێڵی پێشەوەی ڕووبەڕووبوونەوەی مردن و ڕاستەوخۆ بەر شەپۆلەکانی ژیان دەکەوێت و کەسیش نییە لەم دنیایەدا کە وەک ئەوان بە بێ بەرامبەر و بە بێ مەرج خۆشی بوێت و شەونخونی بۆ بکات و نیگەرانی داهاتووی بێت من لە سایەی دەسەڵات و بوونی پیرۆزی ئەواندا دەژیم و هەموو چرکەیەک سوپاسگوزارم بەڵام قەڵەمەکەم هێندە تیژە کە دەتوانێت هاواری کڕووزانەوەی ئەو برینە قووڵە بکات کە لەم دنیایەدا هیچ دەرمان و چاکبوونەوەیەکی بۆ نییە و ئەم نووسینە برینێکی هێندە گەورە و بەسوێیە کە دەکرێ بە فرمێسکی گەرمی چاوی بێنازان و تەنیاکان کتێبێکی مەزنی لێ بەرهەم بێت کە مرۆڤایەتی پێ تێبگەیەنێت بۆیە چاوەکانتان کاتێک لە ژێر سێبەر و ئامێزی گەرمی ئەواندان هەمیشە پڕ بن لە سوپاسگوزاری و دڵسۆزی چونکە دونیا بە بێ ئامێزی میهرەبانی دایک و بە بێ پشتیوانی و پارێزگاری باوک تەنها غەریبی و تەنهاییەکی کوشندە و شەوەزەنگێکی ئەوتۆیە کە هیچ ڕووناکی و کۆتاییەکی نییە.💔🙇🏻