አንድ ቀን እንሞታለን ብለን ሁላችንም እናምናለን፤ ግን ዛሬ እንሞት ይሆናል ብለን የምንኖረው ግን ጥቂቶች ብቻ ነን። ሞት ከእኛ እርቆ የቆመ እንግዳ አይደለም፤ ከሚቀጥለው እስትንፋሳችን ጀርባ በዝምታ የቆመ የሕይወት የመጨረሻ ጥሪ ነው። ዛሬ በፈገግታ ያየኸው ፊት፣ ነገ በፎቶ ውስጥ ብቻ ሊቀር ይችላል፤ ዛሬ ለመደወል ያዘገየኸው ሰው፣ ነገ የማይመልስልህ ቁጥር ሊሆን ይችላል። እኛ ግን እንደማንሞት ሰዎች እንኖራለን። ቂምን ለዓመታት እንሸከማለን፤ ይቅርታን ለነገ እናስቀምጣለን። ፍቅራችንን ለመናገር እንፈራለን፤ ልብን ለመስበር ግን አንድ ቅጽበት እንኳ አንወስድም። ሰዎችን በቃላት እናቆስላለን፤ ከዚያም “ጊዜ ያክማል” ብለን እንሄዳለን። ነገር ግን ሰዓት የሚፈውሰው ሁሉንም ቁስል አይደለም፤ አንዳንድ ጠባሳዎች ከልብ ጋር እስከ መቃብር ይጓዛሉ። አስተውሉ… ከመቶ ዓመት በኋላ ዛሬ የምንጣላበት ሀብት ማን እጅ ላይ እንደሚሆን አናውቅም። ዛሬ የምንኮራበት ስም በትውልድ መካከል ሊረሳ ይችላል። ዛሬ የምንጨነቅለት ዝና እንደ ጭስ ሊበንን ይችላል። ነገር ግን… አንድ ጊዜ የሰጠኸው ፍቅር በአንድ ሰው ሕይወት ውስጥ ለዘላለም ሊያበራ ይችላል። በችግር ጊዜ የያዝከው እጅ የአንድን ሰው ዓለም ሙሉ ሊለውጥ ይችላል። ከልብ የተናገርከው መልካም ቃል ከሐውልት በላይ በሰዎች ልብ ይቆማል። ሞት ሁሉንም ነገር ይወስዳል፤ ግን የሰውን ልብ ያሞቀ ፍቅር መቃብር ውስጥ አይቀበርም። ስለዚህ ዛሬ የምትወዱትን ሰው አቅፉት። ዛሬ ይቅር በሉ። ዛሬ አመስግኑ። ዛሬ ትሑት ሁኑ። ዛሬ ሰው ሁኑ። ማድንቅ ያለባችሁን ሰው አድንቁ። ምክንያቱም ሞት ሲመጣ ምን ያህል ገንዘብ እንዳለን አይጠይቅም፤ ምን ያህል ሰዎችን እንዳበሳጨን ወይም እንዳስደሰትን የሚመልሰው ግን የራሳችን ሕሊና ነው። ምናልባት የሕይወት ትልቁ ምስጢር ሞትን ማሸነፍ ሳይሆን፣ እርሱ ከመድረሱ በፊት በፍቅር፣ በርኅራኄ፣ በክብርና በመልካም አሻራ ተሞልቶ መኖር ይሆናል። አንድ ቀን ስማችን ከሰዎች ከንፈር ይጠፋል፤ ፎቶዎቻችንም በአቧራ ይሸፈናሉ። ግን በአንድ ሰው ልብ ውስጥ ያበራነው ብርሃን ከእኛ በኋላም መንገድን ያሳያል። ዛሬን በሙሉ ልብ ኑሩ… ምክንያቱም ሞት ከእኛ የሚርቀው በኪሎ ሜትር ሳይሆን፣ በአንድ ያልተተነፈሰ እስትንፋስ ብቻ ሊሆን ይችላል። ይህ የእኔ እይታ ነው✍️ ቀጣይ ሌሎች እይታዎች እንዲደርስዎት የእኔ እይታን ፔጅ follow, like and share በማድረግ ቤተሰብ ይሁኑ! #foryou #fyp #viral #fypシ #viralvideo - @viewer_1221