ئێوارەیەکی لێڵ و مەرگئامێز دێت... ئیتر وای لەو ساتەی من لێرە دەڕۆم و تەنیایی و ژیانت دەسپێرم بە درێژیی ئەو عومرەی کە بێ من دەبێت بیژێنیت. وای لەو کاتەی ئیتر دەڕۆم، و پاشماوەی ئەم وشە خوێناوییانەم دەبنە کۆتا مەرگنامە کە بۆت بنووسرێت. ئێوارەیەک دێت، ئەم تەرمە هیلاک و ماندووەم، ئەم جەستە شەکەتەم کە چۆکی داداوە، چیتر تاقەتی ڕاکردنی نامێنێت بە شوێن سێبەر و خەیاڵ و خۆشاردنەوەکانتدا. وای ئەگەر لەو ئێوارەیەدا، گەردەنی قەڵەمەکەم دەشکێت و دەستەکانم لە نووسین دەبنەوە... ئیتر خەت بەسەر ناوتدا دەهێنم و دەیسڕمەوە. تۆ وا تێمەگە کە ڕقم لێتە، یان چیتر خۆشم ناوێیت... نا، بە بەخودا سوێند، تەنیا لەبەر ئەوەیە کە جەستەم ئیتر هیلاک بوو، چۆکم دادا و چاوەکانم کز بوون لە راکردن بە دواتدا. ئیتر دان بەوەدا دەنێم کە من لە ژێر داروپەردوی ئەم جەنگەدا کوژرام و دۆڕام. جەنگێک کە بەرامبەرەکەم جیهان نەبوو، بەڵکو خودی تۆ و ویستەکانی تۆ بوویت... کاتێکیش تۆ دوژمنی ناو جەنگەکە بوویت، چۆن دەبوو شمشێرەکەم توند بگرم؟ من شکاوم، جەنگەکەم دۆڕاند و لێرەدا، لە سووچی ئەم ژیانەدا، وەک برینێکی بێدەنگ ڕادەوەستم و تەنیا چاوەڕێی کۆتایی دەکەم.🖤 ❤️‍🩹.#acctive🖤 #fyp #viral #tiktokindia #tiktok - @cl00sed5