ဒီစာကို မင်းဖတ်နေရချိန်မှာ ကိုယ်ဟာ မင်းရဲ့ နေ့စဉ်ဘဝတွေထဲကနေ အပြီးအပိုင် ထွက်ခွာသွားခဲ့ပြီ။ တကယ်တော့... နှုတ်ဆက်တယ်ဆိုတဲ့ စကားလုံးကို ကိုယ် အမုန်းဆုံးပဲ။ ဒါပေမဲ့ တစ်ခါတလေကျတော့လည်း ကိုယ် လိုချင်တဲ့အရာထက် ကိုယ် လက်ခံရမယ့် အမှန်တရားက ပိုပြီး အားကောင်းနေတတ်တယ်လေ။ မင်းနဲ့တွေ့ခဲ့ရတဲ့ အချိန်တွေဟာ ကိုယ့်ဘဝရဲ့ အတောက်ပဆုံး အမှတ်တရတွေပါ။ မင်းရဲ့ ရယ်သံလေးတွေ၊ ကိုယ့်ကို ကြည့်တဲ့ မင်းရဲ့ မျက်ဝန်းတွေ၊ ပြီးတော့ ကိုယ်တို့ အတူတူနားထောင်ဖူးတဲ့ သီချင်းလေးတွေ... အားလုံးကို ကိုယ့်နှလုံးသားထဲမှာ အသေအချာ ထုပ်ပိုး သိမ်းဆည်းထားခဲ့ပါတယ်။ ကိုယ်တို့နှစ်ယောက်ကြားမှာ ပြောလက်စ စကားတွေ အများကြီး ကျန်ခဲ့သလို၊ အတူတူ လုပ်ဖို့ ရည်ရွယ်ခဲ့တဲ့ အိပ်မက်တွေလည်း အများကြီး ကျန်နေသေးတယ်နော်။ ဒါပေမဲ့ ကံကြမ္မာက ကိုယ်တို့ကို ဒီမျှပဲ ခွင့်ပြုခဲ့ပုံရပါတယ်။ ကိုယ် မင်းအနားမှာ မရှိတော့တဲ့အခါ... မင်းကိုယ်မင်း ဂရုစိုက်ပါ။ ထမင်းကိုအချိန်မှန်မှန်စားပါ။ ညဘက်တွေ အိပ်ရေးပျက်မခံပါနဲ့။ မငိုပါနဲ့လို့ ကိုယ်မတားတော့ဘူး။ ဝမ်းနည်းရင် ငိုချလိုက်ပါ။ ဒါပေမဲ့ ငိုပြီးရင်တော့ ပြန်ပြုံးနိုင်အောင် ကြိုးစားပေးပါ။ ကိုယ့် ကို လွမ်းနေမယ့်အစား ကိုယ်တို့တူတူရှိခဲ့တဲ့ ပျော်စရာ အချိန်လေးတွေကိုပဲ သတိရပေးပါ။ ကိုယ့်အတွက်တော့ မင်းဟာ အစားထိုးလို့မရတဲ့ "ကမ္ဘာငယ်လေး" တစ်ခု ဖြစ်ခဲ့ရုံတင်မကဘဲ၊ ကိုယ့်ဘဝရဲ့ အလှပဆုံးသော နာကျင်မှုတစ်ခုလည်း ဖြစ်ခဲ့ပါတယ်။ ကိုယ့်ကို မေ့ပစ်လိုက်ဖို့ မတောင်းဆိုပါဘူး... ဒါပေမဲ့ ကိုယ်မရှိလို့ မင်းရဲ့ ကမ္ဘာကြီး ရပ်တန့်မသွားပါစေနဲ့။ မင်းဟာ ကိုယ်မပါဘဲလည်း တောက်ပနေရမယ့် ကြယ်တစ်ပွင့်ပဲလေ။ ဒီစာဟာ ကိုယ့်ရဲ့ နောက်ဆုံးနှုတ်ဆက်ခြင်း ဖြစ်ပေမဲ့၊ မင်းအပေါ် ထားခဲ့တဲ့ ကိုယ့်ရဲ့ မေတ္တာတွေကတော့ မင်းသွားလေရာ အရိပ်လို လိုက်ပါ စောင့်ရှောက်နေမှာပါ။ ကောင်းကောင်းနေရစ်ပါ... ငါ့ရဲ့ အချစ်ရဆုံးသူလေး။#fypシ゚viral🖤tiktok #fypပေါ်ရောက်စမ်း😒👊🏻မရောက်လည်းနေ🥴 #foryoupage #မူရင်းစာရေးသူအားcrdပေးပါတယ်ဗျ #viral - @mj653932