کہتے ہیں عورتیں بہت جذباتی ہوتی ہیں، مگر سچ تو یہ ہے کہ وہ محبت کو صرف محسوس نہیں کرتیں وہ محبت کو اپنی تقدیر بنا لیتی ہیں مرد جب محبت کا ایک لفظ کہتا ہے تو شاید اُس کے لیے وہ صرف ایک احساس ہو، مگر عورت کے لیے وہ لفظ ایک پوری کائنات کا دروازہ بن جاتا ہے وہ اُس کے نام سے اپنی دعاؤں کا عنوان لکھ دیتی ہے، اپنی تنہائیوں کو اُس کی یاد سے آباد کر لیتی ہے، اور اپنے آنے والے کل کے ہر منظر میں اُسے شامل کر لیتی ہے عورت عجیب ہوتی ہے وہ ایک مختصر سی گفتگو میں عمر بھر کی رفاقت دیکھ لیتی ہے ایک وعدے میں ساری زندگی کا یقین تلاش کر لیتی ہے، اور ایک محبت بھرے لہجے میں اپنے لیے پناہ گاہ بنا لیتی ہے پھر جب وقت بدلتا ہے، لوگ بدلتے ہیں، اور لفظ اپنی حرمت کھو دیتے ہیں، تو سب سے زیادہ شور عورت کے اندر بپا ہوتا ہے کیونکہ وہ صرف ایک شخص سے نہیں بچھڑتی، وہ اُن خوابوں سے بچھڑتی ہے جنہیں اُس نے راتوں کی خاموشی میں سینچا تھا وہ اُن دعاؤں سے بچھڑتی ہے جن پر اُس نے پورا یقین رکھا تھا وہ اُس مستقبل سے بچھڑتی ہے جس میں اُس نے خود کو کبھی تنہا نہیں دیکھا تھا محبت میں عورت کی شکست یہ نہیں ہوتی کہ کوئی اُسے چھوڑ گیا، بلکہ اصل دکھ یہ ہوتا ہے کہ جس شخص کو اُس نے اپنی دنیا کا مرکز بنایا، اُس نے اُسے اپنی دنیا کا ضروری حصہ بھی نہ سمجھا اور شاید یہی وجہ ہے کہ عورت جب ٹوٹتی ہے تو آواز نہیں کرتی وہ خاموش ہو جاتی ہے، مگر اُس خاموشی کے نیچے ایک پوری کائنات دفن ہو چکی ہوتی ہے عورت احمق نہیں ہوتی ,وہ تو بس محبت پر حد سے زیادہ یقین کر بیٹھتی ہے، اور یقین جب کسی غلط شخص پر ہو جائے تو سب سے خوبصورت دل بھی اپنے ہی خوابوں کے ملبے تلے دب جاتا ہے عورت محبت میں ہارتی نہیں وہ تو صرف اُس یقین کی قیمت چکاتی ہے جو اُس نے کسی انسان پر کیا تھا 🌸ہیر #fypシ #fypシ゚viral #unfrezzmyaccount #foryou #fyp - @heer_writes_01