اگر تم سمجھ پاتی میری محبت کو… تو میں تم سے نہیں، تم مجھ سے محبت کرتی۔ تم میری ایک جھلک دیکھنے کو بے چین رہتی، میری ایک آواز پر لرز جاتی، میرے ایک دکھ پر بکھر جاتی۔ مگر تم نے میری چاہت کو کبھی محسوس ہی نہیں کیا… جیسے میں تمہارے لیے تھا ہی نہیں، جیسے میری محبت تمہارے دل کی دراڑوں میں گم ہو کر رہ گئی۔ اگر تم سمجھ پاتی… تو کبھی مجھے ایسے چھوڑ کر نہ جاتیں۔ تم جانتیں کہ میں تمہیں لفظوں میں نہیں، سانسوں میں بسائے پھرتا تھا۔ مگر تم نے میری محبت کو دھوکا دے کر وہ زخم دیے جو وقت بھی دیکھ کر کانپ اٹھتا ہے۔ میں ایک لمحے میں ختم نہیں ہوا… میں ہر روز تھوڑا تھوڑا مر رہا ہوں، صرف اس دن سے جس دن تم نے میری سچائی کا گلا گھونٹ کر اپنی خوشیوں کو ترجیح دی۔ اگر واقعی تم نے ایک پل کے لیے بھی میرا دل پڑھ لیا ہوتا نا… تو تم جان لیتیں کہ میں تمہارے لیے کیا تھا۔ تم رُک جاتیں، پلٹ جاتیں، یا پھر کم سے کم جاتے ہوئے مجھے آنکھوں میں اتنی بےرحمی سے دیکھ کر نہ چلی جاتیں۔ تم کبھی دھوکا نہ دیتیں، کبھی ایسا زخم نہ دیتیں جو میری روح تک جل رہا ہے۔ تم سمجھ نہیں پائیں… اور شاید کبھی سمجھ بھی نہ سکو۔ مگر یاد رکھنا… جس دن تم نے یہ سوچ کر میری طرف دیکھا کہ کوئی تھا جو تمہیں ٹوٹ کر چاہتا تھا، تم اس دن اپنی ہی بےوفائی پر رو پڑو گی۔ یہ سوچ کر کہ تم نے کس دل کو چھوڑا، کس محبت کو دھوکا دیا، اور کس انسان کو اپنے ہی ہاتھوں برباد کر دیا۔ اگر تم سمجھ پاتی میری محبت کو… تو آج تم میری محبت کھو کر، خود کو کھو بیٹھی ہوتی۔ #creatersearchingsight #fppppppppppppppppppp #urdupoetry #deeplines #unfareezmyaccount - @mr.haider.0007