Желі қолданушылары арасында ақсақал Шорабек Айдарбековтің жақын адамдар арасындағы сыйластық пен бауырмалдық туралы айтқан өнегелі әңгімесі қызу талқыланып жатыр. Белгілі қария өз сөзінде ең ауыр соққы сырттан емес, жақыннан келетінін әсерлі мысалмен жеткізген. Ақсақал адам баласы үшін ет жақынының жасаған қиянаты бәрінен де батпан екенін айта келе, мынадай өлең жолдарын оқыды: «Ағайын қай кезде де көзге тәуір, Өкпем жоқ, кеудемдегі бәрі — бауыр. Жауымның дәлдеп салған найзасынан, Досымның маңдайымнан шерткені ауыр». Ақсақал бұл арқылы қазақ қоғамын бір-біріне қамқор болуға шақырды. Ол бауырлар арасындағы араздық пен қиянаттың соңы өкінішке апаратынын ескертіп, елді бірлік пен татулықты сақтауға үндеді. Бейнебаян астында пікір қалдырған желі қолданушылары қарияның бұл өсиетін қазіргі қоғам үшін өте өзекті деп бағалауда. Видео: @shorabek_aidarov - @qrnewskz