@jamiivoice_: Bungeni: Mbunge wa Geita Vijijini, Joseph Musukuma amekosoa utaratibu unaowalazimu madereva kurejea darasani na kufanya mitihani upya wanapokwenda kuhuisha leseni zao za udereva, akidai unadhoofisha nguvu kazi na kuathiri maisha ya familia zinazowategemea. Akichangia mjadala wa Hali ya Uchumi wa Taifa kwa Mwaka 2025 na Mpango wa Maendeleo wa Taifa wa mwaka wa fedha 2026/2027 pamoja na Makadirio ya Mapato na Matumizi ya Serikali, Musukuma amesema wafanyakazi wa sekta nyingine wanapopewa mafunzo hupata posho na kurejea kazini wakiwa na ari zaidi ya kazi. Amesema tofauti na hilo, madereva wanatakiwa kuhudhuria mafunzo kwa wiki kadhaa na kufanya mtihani ili kuhuisha leseni zao, hali inayoweza kuathiri ajira zao endapo watafeli. “Dereva ana watoto, familia inamtegemea na anaishi nyumba ya kupanga. Akifeli mtihani unamwambia arudi nyumbani akae, wakati hana kazi nyingine ya kufanya,” amesema Musukuma. Mbunge huyo amehoji pia mantiki ya kuwataka madereva wenye uzoefu wa muda mrefu na rekodi nzuri za usalama barabarani kurejea darasani. “Dereva ameendesha gari kwa miaka 30 bila historia ya ajali, bado unamwambia aende akasome,” amesema. Aidha, amesema utaratibu huo unasababisha baadhi ya kampuni na wamiliki wa magari kukosa madereva kwa wakati mmoja pale wanapokuwa wamepelekwa kwenye mafunzo, jambo ambalo linaathiri shughuli za kiuchumi.

Jamii Voice

Open In TikTok:

Region: TZ

Tuesday 16 June 2026 10:06:58 GMT