@vatandosh_koreya: 🇰🇷 Koreyada noqonuniy ishlab yurganlarga legal maqom berilishi mumkin Koreya hukumati mamlakatdagi taxminan 400 ming nafar hujjatsiz xorijiy ishchini rasmiy mehnat tizimiga jalb qilish imkoniyatlarini ko‘rib chiqmoqda. Ma’lum qilinishicha, hukumat E-9 mehnat vizasi tizimini isloh qilish va koreys tilini yaxshi biladigan hamda ish malakalari yuqori bo‘lgan noqonuniy mehnat muhojirlariga qonuniy maqom berish bo‘yicha reja ishlab chiqqan. Mutasaddilarga ko‘ra, hozirgi tizimda ko‘plab migrantlar ish joyini erkin o‘zgartira olmagani, ish haqi to‘lanmasligi yoki mehnat huquqlari buzilishi sababli noqonuniy maqomga o‘tib ketmoqda. Fuqarolik jamiyati va mehnat tashkilotlari esa hukumatni hujjatsiz ishchilarning mamlakatda qolish huquqini kafolatlashga chaqirmoqda. Ispaniya ham joriy yil boshida muayyan shartlarga javob beradigan noqonuniy muhojirlarga qonuniy yashash va ishlash huquqini berish dasturini yo‘lga qo‘ygan edi. Ushbu dastur orqali 500 mingdan ortiq kishi legal maqom olgani bildirilmoqda. @vatandosh_koreya

Vatandosh KOREYA

Open In TikTok:

Region: UZ

Tuesday 16 June 2026 12:06:10 GMT