@paschalcassian04: Watu wengi leo wanaamini habari mbaya kwa haraka kuliko wanavyoamini ahadi za Mungu. Wanaamini hofu, maneno ya watu, na hata uongo wa shetani, lakini wanashindwa kuamini yale Mungu aliyosema katika Neno lake. Katika nyakati za Nuhu, watu hawakuamini mpaka gharika ilipokuja. Katika siku za Yesu, wengi hawakuamini kuwa ndiye Masihi mpaka walipoona matokeo. Hata leo, Mungu anatenda miujiza, anaponya, anaokoa, na kubadilisha maisha ya watu, lakini bado wengi wanabaki na mioyo ya mashaka. Neno la Mungu halijawahi kushindwa. Kila unabii uliotimizwa unatukumbusha kuwa yale yaliyobaki nayo yatatimia. Yesu Kristo aliahidi atarudi tena, na kurudi kwake si hadithi wala jambo la kufikirika; ni ahadi ya Mungu aliye mwaminifu. Tusijitenge na Mungu kwa kutokuamini. Tuachane na roho ya mashaka na tuwe watu wa imani. Tuamini ahadi za Mungu hata kama bado hatujaona utimilifu wake kwa macho yetu. “Heri wale ambao hawakuona, lakini wakaamini.” — Yohana 20:29 🙏 Je, wewe unaamini kwamba Yesu Kristo anarudi upesi? Andika “Naam, naamini” kwenye maoni yako.

PASCHAL CASSIAN

Open In TikTok:

Region: TZ

Tuesday 16 June 2026 12:07:14 GMT