@prcconsulting: ကုမ္ပဏီထောင်ပြီးရင် မေ့ထားလို့မရတဲ့ "DICA Annual Return (AR)" ဆိုတာ ဘာလဲ? ကုမ္ပဏီတစ်ခုကို အောင်အောင်မြင်မြင် မှတ်ပုံတင်ပြီးတဲ့အခါ လုပ်ငန်းရှင်အများစုဟာ အရောင်းအဝယ်ကိစ္စတွေ၊ နေ့စဉ်လည်ပတ်ရေးတွေနဲ့ပဲ အချိန်ကုန်နေတတ်ကြပါတယ်။ ဒီလိုနဲ့ MyCO စနစ်ထဲက အရေးအကြီးဆုံး တာဝန်တစ်ခုဖြစ်တဲ့ Annual Return (AR) တင်ဖို့ မေ့လျော့သွားပြီး ဒဏ်ကြေးအမြောက်အမြား ပေးရတာ၊ ကုမ္ပဏီ ဆိုင်းငံ့ (Suspended) အလုပ်ခံရတာမျိုးတွေနဲ့ ကြုံတွေ့ရလေ့ရှိပါတယ်။ ဒါကြောင့် လုပ်ငန်းရှင်တိုင်း မဖြစ်မနေ သိထားသင့်တဲ့ DICA Annual Return (AR) အကြောင်းကို Primereg Consulting မှ ရှင်းလင်းမျှဝေပေးလိုက်ပါတယ်။ 📌 Annual Return (AR) ဆိုတာ ဘာလဲ? Annual Return (AR) ဆိုတာ "ကုမ္ပဏီရဲ့ နှစ်ပတ်လည် အစီရင်ခံစာ"ဖြစ်ပါတယ်။ ဒါဟာ လုပ်ငန်းရဲ့ ဝင်ငွေခွန် ဒါမှမဟုတ် စာရင်းအင်းရှင်းတမ်း တင်တာမျိုး မဟုတ်ပါဘူး။ မိမိကုမ္ပဏီဟာ လက်ရှိအချိန်မှာ - ကုမ္ပဏီ လိပ်စာ အမှန်တကယ် ရှိနေသေးရဲ့လား? ဒါရိုက်တာ (Directors) တွေ၊ အစုရှယ်ယာရှင် (Shareholders) တွေ ပြောင်းလဲမှု ရှိသလား? ကုမ္ပဏီရဲ့ လုပ်ငန်းဆောင်တာတွေ ပုံမှန်လည်ပတ်နေဆဲဖြစ်ကြောင်း MyCO စနစ် (DICA) ဆီကို ဥပဒေအရ နှစ်စဉ် မပျက်မကွက် အသိပေး အစီရင်ခံရတဲ့ လုပ်ငန်းစဉ် ဖြစ်ပါတယ်။ ⚠️ AR တင်ဖို့ ပျက်ကွက်ရင် ဘာတွေဖြစ်မလဲ? (မဖြစ်မနေ သတိပြုရန်) ၁။ ပုံမှန်တင်ပြခြင်း (Normal Filing) မိမိကုမ္ပဏီရဲ့ AR နောက်ဆုံးတင်ရမယ့်ရက်ကို MyCO Profile မှာ ကြည့်ရှုနိုင်ပါတယ်။ အဆိုပါ သတ်မှတ်ရက်မတိုင်ခင် ပုံမှန်တင်ပြရင်တော့ ARအစိုးရသွင်းကြေး ၅၀၀၀၀ကျပ်ပဲကုန်မှာဖြစ်ပြီး ဒဏ်ကြေးကျသင့်မှာ မဟုတ်ပါဘူး။ ၂။ နောက်ကျကြေး ပေးဆောင်ရခြင်း (Late Fee) သတ်မှတ်ရက် ကျော်လွန်သွားပြီး ရက်ပေါင်း ၂၈ ရက်အတွင်း ဖြစ်နေသေးရင်တော့ နောက်ကျကြေး (Late Fee)၁၀၀,၀၀၀ ကျပ် ထပ်မံပေးသွင်းရပါမယ်။ ၃။ ကုမ္ပဏီ ဆိုင်းငံ့ခံရခြင်း (Suspended) AR တင်ပြရမယ့်ရက်ထက် ၂၈ ရက် ကျော်လွန်သွားပါက မိမိကုမ္ပဏီဟာ "Suspended" (ဆိုင်းငံ့) အခြေအနေသို့ အလိုအလျောက် ရောက်ရှိသွားမှာ ဖြစ်ပါတယ်။ ဆိုင်းငံ့စာရင်းကနေ ပြန်လည်ပယ်ဖျက်ပေးဖို့ ပုံစံ I-9D နဲ့ တင်ပြရမှာဖြစ်ပြီး မှတ်ပုံတင်ကြေး ၁၀၀,၀၀၀ ကျပ် ထပ်မံ ပေးသွင်းရပါမယ်။ ၄။ စာရင်းမှ ပယ်ဖျက်ခံရခြင်း (Struck Off) Suspended ဖြစ်ပြီး ၆ လအထိ AR တင်ပြခြင်း မရှိပါက အဆိုပါကုမ္ပဏီအား မှတ်ပုံတင်စာရင်းမှ လုံးဝပယ်ဖျက် (Struck Off) သွားမည် ဖြစ်ပါတယ်။ ၅။ ကုမ္ပဏီ ပြန်လည်အသက်သွင်းခြင်း (Restoration) Struck Off ဖြစ်သွားတဲ့ ကုမ္ပဏီအမည်အား ပြန်လည် အသက်သွင်းလိုပါက ကုမ္ပဏီမှ တရားရုံး ကင်းလွတ်ခွင့်အမိန့် ရယူပြီးမှသာ MyCO မှာ ပုံစံ I-5 ဖြင့် ပြန်လည် တင်ပြရမှာ ဖြစ်ပါတယ်။ --- 💡 Primereg ရဲ့ အကြံပြုချက် ကုမ္ပဏီတစ်ခု "Struck Off" အဆင့်ထိ ရောက်သွားပြီဆိုရင် တရားရုံး ကင်းလွတ်ခွင့်ရဖို့ လျှောက်ထားရတဲ့ ကုန်ကျစရိတ်တွေ အဆမတန် များပြားလှပါတယ်။ ဒါ့အပြင် မြန်မာနိုင်ငံကုမ္ပဏီများဥပဒေပါ ပြဋ္ဌာန်းချက်များကို လိုက်နာရန် ပျက်ကွက်ခဲ့ခြင်းကြောင့် ကုမ္ပဏီရဲ့ နာမည်နဲ့ ပုံရိပ် ကိုပါ များစွာ ထိခိုက်စေနိုင်ပါတယ်။ ဒါကြောင့် လုပ်ငန်းအလုပ်တွေ ရှုပ်နေလို့ပဲဖြစ်ဖြစ်၊ MyCO စနစ်ကို သေချာ နားမလည်လို့ပဲဖြစ်ဖြစ် မလိုအပ်ဘဲ ငွေကုန်ကြေးကျများပြီး လုပ်ငန်းလည်ပတ်မှု မရပ်တန့်သွားစေဖို့ AR တင်ရမယ့်ရက်ကို အထူးဂရုပြု ကြပ်မတ်ဖို့ တိုက်တွန်းပါရစေ။ မိမိကုမ္ပဏီရဲ့ AR သက်တမ်းကို အချိန်မီ စစ်ဆေးတင်ပြချင်သူများ၊ စနစ်တွင်း အခက်အခဲရှိနေသူများအနေဖြင့် စိုးရိမ်ပူပန်နေစရာ မလိုတော့ပါဘူး။ Primereg Consulting မှ လူကြီးမင်းတို့ရဲ့ ကုမ္ပဏီ Annual Return ကိစ္စရပ်များသာမက Company Registration, Share Transfer, Online Shop Registration နှင့် အခြားသော ကော်ပိုရိတ်ဝန်ဆောင်မှု (Corporate Services) များကို အချက်အလက် တိကျမှန်ကန်စွာဖြင့် အစအဆုံး အဆင်ပြေအောင် ဝန်ဆောင်မှုပေးနေပြီ ဖြစ်ပါတယ်။ 💬 စိတ်ချယုံကြည်စိတ်ချစွာ အပ်နှံလိုပါက အခုပဲ ဆက်သွယ်လိုက်ပါ။ 📞 ဆက်သွယ်ရန် - 09-795594525 (Phone/Viber) 🏢 လိပ်စာ - No(10A/B) Okkalarthiri Condo , Okkalarthiri (2)St, North Okkalapa Township, Yangon #CompanyRegistration #Annualreturnfiling #dicamyco #primeregconsulting #dicaannualreturn

prcconsulting

Open In TikTok:

Region: MM

Tuesday 16 June 2026 13:18:02 GMT