@kjoonka63: مفهوم الطمأنينة أهم عندي من أي شعور تاني .. ألانسان بي طبعو خواف شديد .. بخاف من الناس .. من العلاقات .. من الوّلف الشديد .. من إني أقرب من زول أو أسمح لي زول يقّرب مني. وبخاف أكتر من العشم الشديد .. الخذلان .. وكسرة القلب. ببقى مُستعد أعيش حياتي برااي بس ما بضمن إني أدخل زول حياتي واخليهو جزء لا يتجزأ من تفاصيلي. الخوف بقى مربوط بي حياتي بلقى لا شعورياً إني متررد في إني أتخذ قرار بخصني لأني ببقى خايف إنه القرار دا يوجعني في يوم من الأيام. حقيقي كل زول مننا شايل جواهو خوف بي سبب حاجة معينة حصلت ليهو. كمية التفاصيل والخذلان والضربات القاسية اللي مرينا بيها كانت كافية جداً عشان تغيرنا من جوه وتخلينا مهزوزين. ففي الوقت البنلقى فيهو حاجة تطّمنا بنلقى نفسنا جرينا عليها عشان نِّطّمن. الأمان والطمأنينة بقو مربوطين عندي بإني ألقى الزول القدامي فاتح لي قلبه ومُحتويني. بأني ألقى نفسي قادر اتعامل من دون أي خوف وإني أ قادره تفهمني لما يغلبني الكلام .. وتشاركني تفاصيل حياتي اللي ما قاعد أشاركها مع زول ! مافي معجزة ممكن تحصل ليك ألطف من إنك تبقى قادر تتقبل إنسان في الوقت اللي كنت رافض فيهو الكُل !)) في الوقت اللي لقيت نفسي رافض فيهو الكُل ! أخترتك أنتي

𝕜𝕛𝕠𝕟𝕜𝕒🪐

Open In TikTok:

Region: QA

Tuesday 16 June 2026 14:27:31 GMT