@nooonz1: كنافة نابلسية معسلة وغرقانة جبنة من اسهل الوصفات محتاجين ٤٥٠ جم كنافة تكون مجمدة ، نقصها كويس جدا بالسكين او للمقص او الكبة ،المهم تكون ناعمة جدا نضيف ليها نصف كوب سمن + ٢ م ك شيرة او ٢ م ك سكر بودرة نخلط كويس لحدي ما الكنافة تتغلف بالسمن ، دا بديها لللون الدهبي الجبنة عكاوي نخليها في موية نص ساعة وتاني نغير مويتها ونخت عليها موية عشان بتكون مالحة اول ما الملوحة تخف نصفبها من مويتها ونبشرها نضيف عليها جبنة موتزاريلا بعدين علي نار شمعة وفي الطرف فقط نخت الصينية ممنوع نختها في النص في طرف عين البوتجاز نلفها وندور ،نلفها وندور 😅شوفوا اكتر زول في البيت بحب اللف والدوران وخليهو يلف الصبنية بتاخد تلت ساعة الاطراف تحمر وتفصل في الجانبين كدا جاهزة لو الجبنة ما ساحت ،سخنوا الفىن شديد وخليها فقط في حرارة الفرن ب فوق قصاد الجبنة وبعدين الشيرة تكون باردة وعليها م ك سمن رهيبة يا جماعة وساهلة جدا بالعافية علبكم #bakheeta_bites #اكسبلورexplore #fyp #اكسبلور_فولو #بخيتة_في_المطبخ