@colleticon: خدائے راستي کۀ د حرم دے حاجي ګله زما غم بل شانې غـــــم دے حاجي ګله ماښامۍ دے بس دے لارې به جدا کړو وخت مونږ دواړو سره کم دے حاجي ګله پښتونخوا ده کۀ جنګیز لوټ کړے ښار دے دا اختر دے ــــ کۀ ماتم دے حاجي ګله وجود څۀ دے یو مست ساز دے را سور شوے ژوندون څۀ دے زیر او بم دے حاجي ګله جهان واړه وینې وینې دے کۀ نۀ دے قبر ټول لړم لړم دے ــــــــ حاجي ګله د یوسف د داستان کومې حصې رام کړې ستا پۀ سترګو کښې خو نم دے حاجي ګله بې جنته بل ارمان ـــــــــــ درسره نشته پۀ تا څۀ د خدائے کړم دے حاجي ګله ازاري وم ـــــــــــــــــــ کتابونو ته اړم وم ما پۀ ځان کړے ستم دے حاجي ګله د ممتاز لۀ پاره څومره لوې اعزاز دے چې دا ستا نظر کښې ګرم دے حاجي ګله کلام ممتازاورکزے غږ کرن خان