@hichistan_: بۆ نیچە، مرۆڤ قەوارەیەکی جێگیر نییە، بەڵکو ڕووداوێکی بەردەوامە کە هەمیشە لە گۆڕان و پەرەسندندایە. کاتێک دوو مرۆڤ لە قۆناغێکدا بە قووڵی لە یەکتر نزیک دەبنەوە، جیهانی ناوەوەی خۆیان و نهێنییەکانیان بۆ یەکتر بەتاڵ دەکەنەوە؛ بەڵام ژیان بەهۆی جیاوازیی هێڵەکانی گەشەکردن, پاڵنەرە نوێیەکان و گۆڕانی ئاراستەی فیکری، بە هێواشی لێکیان دادەبڕێت. ئەم نامۆبوونەوەیە وەک دابڕانێکی کتوپڕ یان شەڕێکی گەورە نییە کە بە ئاسانی درکی پێ بکرێت، بەڵکو تراژیدیاکە ڕێک لەو هێواشی و بێدەنگییەدایە کە تێیدا مرۆڤەکان ڕۆژ دوای ڕۆژ، بەبێ ئەوەی ئاگاداری بن ئەو لێکتێگەیشتنە هاوبەشەی نێوانیان کاڵ دەبێتەوە، تا کار دەگاتە ئەوەی کاتێک تەماشای یەکتر دەکەن، تەنها جەستەیەک دەبینن کە ڕۆژێک ناسیویانە، بەڵام ناخەکەی بە تەواوی بووەتەوە بە جیهانێکی نامۆ. بۆیە، ئەم گوزارشتە ڕەخنەیە لەو جێگیرییە وەهمییەی کە مرۆڤەکان لە پەیوەندییەکانیاندا بڕوایان پێیەتی. نیچە پێمان دەڵێت کە پاراستنی نزیکی پێویستی بە تێکۆشانێکی بەردەوامی فیکری و دەروونی هەیە، چونکە غەریزەی ژیان هەمیشە تاک بەرەو جیاوازی دەبات. نامۆبوونەوە لە دوای ناسینی قووڵ، زۆر بەئازارترە لە نامۆبوونی سەرەتایی؛ چونکە لێرەدا تۆ ڕابردوویەک، زانیارییەک و متمانەیەک لە دەست دەدەیت کە کە پێشتر ماناو بەهایان بە ژیانت دەبەخشی. ئەمە ئەو دۆخە ساردەیە کە تێیدا مێژوویەکی هاوبەش دەبێتە تەنها یادەوەرییەکی بێدەنگ، و دوو کەس کە ڕۆژێک هەموو شتێکی یەکتر بوون، دەبنەوە بەو عەقڵە غەریبانەی کە لە شەقامەکانی ژیاندا بە بێدەنگی بە تەنیشت یەکدا تێدەپەڕن. نیچە ئەم یاسایەی گۆڕان وەک ڕاستییەک دەبینێت؛ ڕاستییەک کە تێیدا مرۆڤی ئازاد هەمیشە پێویستی بە پاشەکشە و گەڕانەوە هەیە بۆ ناو خەڵوەتگای تەنیایی خۆی. مەزنیی تاک لەوەدایە کە توانای قبوڵکردنی ئەم کۆچە دەروونییانەی هەبێت؛ چونکە هەندێک جار، بوون بە نامۆ، باجێکی زەروورییە کە مرۆڤ دەبێت لە پێناو پاراستنی ڕەسەنایەتی و گەشەکردنی زاتیی خۆیدا بیدات، تەنانەت ئەگەر ئەمە دڵیشی پڕ بکات لە حەسرەتێکی کۆتایی‌ نەهاتوو. #karkuk #slemani #hawler #kurdistan #kurd

﮼هیچستان

Open In TikTok:

Region: IQ

Tuesday 16 June 2026 17:14:07 GMT