سالفتنه ((سالفة اليتلكاها قبل لاطيح)) اكو رجل خير ومعدل بكلامه ذاك اليوم بالليل وصوت الليل مسموع صاح على بنته كلها بويه تعالي يمي وشوفي راسي شو يوجعني البنت كامت اتفرج براس ابوها وشافت راس ابوها صافي مابيه زلغ لاطكه كلتله بويه اشو راسك مابي ضربه صاحي شنهي بويه انت مامتعارك بحياتك كلها بويه اني اتلكاها قبل لا طيح كلتله شلون تتلكاها قبل لا طيح فهمني كاللها بويه هسه راسي يوجعني بعدين افهج جيرانهم سمع الكلام الدار بين الاب وبنته جاره من سمعهم كال ويه روحه هذا شلون يتلكاها قبل لا طيح. المهم صار الصبح الاب كال البنته بويه اني اروح اسكي الزرعات فذهب الاب إلى زرعاته راد يشغل الماطور مال كاعه حته يسكي زرعاته وجاه الرجل جيرانهم الي سمع كلامهم كال لبو البنت انت اليوم ماتسكي زرعاتك وهو اله قصد بكلامه وظل يعيل ببو البنت كاله ابو البنت ها خويه ليش مااسكي زرعاتي كله جيرانهم اني اريد أخذ الماطور مالتك اسكي زرعي وبعدين انت اسكي زرعاتك ابو البنيه كاله عمي ولك صدك جذب شلون تاخذ ماطوري خلي اسكي زرعاتي وبعدين انت اخذه وسكي زرعاتك كاله لا اني اسكي زرعاتي بالاول الرجل جيرانهم أخذ الماطور من أرض ابو البنت كوه الى ارضه بعد شيسوي ابو البنت اتحمله وظل ساكت ورجع الى بيته تلكته بنته ها بويه اليوم رجعت من وكت ليش كلها بويه الحمد لله اليوم لكيت زرعاتنه مسكيات فكالت البنت الحمد لله. فرجع الرجل جاره الى ابو البنيه فكاله عمي اني البارحه سمعتك تسولف لبنتك وتكلها اني اتلكاها قبل لا طيح. فعمي انت فعلا رجال خير وفعلا تتلكاها قبل لا طيح للكاع .واني ردت اجربك وعلت بيك وردت اشوفك شلون تتلكاها قبل لا طيح...؟ ولايظل بالك يم زرعاتك اني سكيتهن وعفت زرعاتي واني اجيتك هسه اعتذر منك ابو البنيه كال البنته هابويه هسه فهمتي كلامي اشلون اتلكاها قبل لاطيح شاهد سالفتنه ورباطها اكو بعض الناس ما يعرف شلون يسد طلابته ويلمها و يتلكاها قبل لا طيح. عمي هيه الزلم مخابر وليس مناضر ... الرجل مو البس وروح الرجل الخير كون ينطي من حقه لأاجل ناسه في الستر واني ادري البعض هسه ايكولون هذا جبن لا عمي اليوم الخير اليستر اهله ويستر اخوته ويستر عشيرته ومايقبل بالباطله ويتلكاها قبل لاطيح والاجاويد الخيرين امثالكم انشاء الله موجودين وهيهعونك يلي تتلگاها قبل ماطيح شكد اليوم محتاجين مثل هيج ناس جان عاشت ناس بسلام وامان واحباب بس شنسوي نحمدالله ع كل حال - @vnfiv2