@bkrybkwry: ما بيغلطوا ساي... بيغلطوا وهم عارفين، مدركين، وواعين تمامًا إنو الغلطة دي بتوجعك، بتكسر فيك، وبتخليك تسهر الليل تفكر ليه؟ وليه تاني؟ وليه أنا بالذات؟ إنت نبهتو، وقلت ليهو بالحيل وبالطيبة: "أنا بتضايق من كده"... لكن رجع عمل نفس الحاجة، بنفس الطريقة، بنفس البرود. الموضوع ما سهو، ولا غلطة جات بالغلط، ولا حتى سوء تفاهم... الموضوع اسمو: *عدم تقدير*. اسمو: *استهانة بمشاعرك*. وقلة احترام لزعلك، ولوجودك، ولحبك البديتو من قلبك الصافي. ف بالله عليك، ما تمشي تعاتبو بكل طيبة وتسألو: "ليه عملت كده تاني؟" لأنو الحقيقة، هو عارف كويس البيعملو، وعارف إنو بيوجعك، لكن اختار راحته على زعلك، واختار مزاجه على احترامك، واختار أنانيتو على كرامتك. الزول البيكرر غلطتو وهو واعي، ما بيستاهل لا تبرير، ولا عتاب، ولا حتى لحظة زعل تانية عليه. *احفظ كرامتك،* *وارفع راسك،* *وسيب البيوجعك يتعود على غيابك، زي ما اتعود يوجعك.* لأنو في النهاية، الكرامة ما بتتفاوض، والمشاعر ما لعبة، والقلب البيدي ما بيستاهل ينكسر كل مرة عشان زول ما قدره. خليهو، خليهو يتعلم من بعدك، خليهو يعرف إنك ما كنت أي زول، وإنك لما مشيت، مشيت بي وجعك، وبي كرامتك، وبي احترامك لنفسك. #✍️βẹќỗ

βẹќỗ

Open In TikTok:

Region: SD

Tuesday 16 June 2026 20:46:16 GMT