@kjoonka63: بعد الإنفصال بيحصل كمراقبة أخر ظهور ، أخر بوست ، إستوري وصورة أقيف لحدي هنا يا جميل ، ما تتضيع وقتك في الإنتظار والمراقبه الوقت البضيع فيه دا إنت مسؤول عنه شبابك فيما أفنيت؟. عيش فترة الحزن كاملة بس ما تتطول فيها ، أقعد مع نفسك وشوف شنو هي الدروس الإتعلمتها من العلاقة دي ، وشنو هي الأخطاء الإرتكبتها وتاني لقدام ما حتكررها؟. ما تخلي يكون عندك وقت فراغ عشان تقعد تفكر كتير أشغل نفسك وأنجز الحياة دي ماشة وما بتنتظر زول ، أسعى وإجتهد لتطوير نفسك ، وإتاكد تمامًا ربنا حيعوضك خير لأنه ؛ رب الخير لا يأتي إلا بالخير. دخول أي إنسان في حياتك عشان يوصل ليك حاجة معينة إتعلم الدرس وأفهم الرسالة. وعوض ربنا لما يجي بنسيك كل لحظة ألم عيشتها ﴿وَلَسَوْفَ يُعْطِيكَ رَبُّكَ فَتَرْضَىٰ﴾♡. إتذكر إنو الحياة ما بتقيف عند زول معين ،وكل تجربة بتعلمك درس وبتخليك تنمو وتطور ، وكون على يقين إنه العوض الرباني بجي جميل وبفوق التوقعات♡.

𝕜𝕛𝕠𝕟𝕜𝕒🪐

Open In TikTok:

Region: QA

Tuesday 16 June 2026 22:00:53 GMT