ආදරයයි ගෞරවයයි කියන දේ කවදාවත් වෙනස් නොවී එක වගේම නියෙන්න ඕනේ.. එයා ඇත්තටම ඔයාට ආදරෙයි නම්, ඔයාට ගරු කරනවා නම්, තමන්ට තියෙන තරහව කවදාවත් තිරිසන්කමක් හෝ නපුරුකමක් බවට පත් කරගන්න එයා ඉඩ තියන්නේ නැහැ.. උපරිමයටම හිත රිදිලා, කලකිරිලා ඉන්න වෙලාවක වුණත් එයා ඔයා එක්ක කතා කරන්නේ ආදරෙන් සහ ප්‍රවේශමෙන්. මොකද එයාගේ හිතේ ඔයා ගැන තියෙන ආදරය එයාගේ "මූඩ්" (Mood) එක අනුව වෙනස් වෙන්නේ නැහැ. හැබැයි අනෙක් අතට, තරහ ආපු ගමන් එයා ඔයාට අගෞරව කරනවා නම්, ඔයාව පණුවෙක් ගාණට දාලා කතා කරනවා නම්, නැත්නම් වෛරයෙන් වගේ හැසිරෙනවා නම්... ඒක නිකම්ම "එක වෙලාවකට වෙන වැරැද්දක්" කියලා හිතලා අමතක කරන්න එපා. ඒක ඔයාගේ මුළු ජීවිතයම අනතුරේ දාන ලොකුම රතු එළියක් (Red Flag). ඇත්තම ආදරය ඇතුළේ නිඟාකිරීම්, කූට විදිහට හිත රිදවීම්, මානසිකව වද දීම් තියෙන්න බැහැ !!! ඔයාට ඇත්තටම වටිනාකමක් දෙන පිරිමියෙක්, එයාගේ හිත අවුල් වෙලා තියෙන පලියට ඔයාගේ හදවත කෑලිවලට කඩලා දාන්න කවදාවත් පෙළඹෙන්නේ නැහැ. එයා ටිකක් පස්සට වෙලා, හිත නිමවාගෙන, ඔයා එක්ක ලස්සනට කතා කරලා, ප්‍රශ්න පරිණත විදිහට විසඳගන්න උත්සාහ කරයි.. "එයාට ඒ වෙලාවේ තරහ ගිහින් තිබුණේ" කිය කියා හැමදාම එයාගේ ඒ විෂ සහිත (Toxic) හැසිරීම් සාධාරණීකරණය කරන්න ඔයා ලෑස්ති වෙන්න එපා.. එහෙම කරනවා නම් දැන්වත් පොඩ්ඩක් නතර වෙලා හිතන්න හිතේ මොන වගේ හැඟීමක්, කේන්තියක් තිබුණත්, ආදරයයි ගෞරවයයි කියන දේ කවදාවත් වෙනස් නොවී එක වගේම තියෙන්න ඕනේ - @sarahanya7