@fache001: ናይ ትጽቢት ስምዒት " ሓደ ሓደ ግዜ፡ እቲ ዝዓበየ ህላወ፡ ኣብቲ ዘይምህላው እዩ ዝርከብ ፡፡ ኣብ ከባቢይ የለኻን፡ ግን ከኣ ኣብ ኩሉ ስጉምተይ ኣለኻ ፡፡ ኣብ ጸጥታ ናይቲ ገዛ ድምጽኻ ይሰምዕ ፣ ኣብ ነፍሲ ወከፍ ማዕጾ ዝኳሕኳሕ ከኣ ንሱዶ ይኸውን ? ' ዝብል ትጽቢት ልበይ የንቀጥቅጦ ። ምሳኻ ዘይኮንኩስ፡ ምሳኻ ዘለኹ ኮይኑ እዩ ዝስምዓኒ ፡፡ እቲ ንዓመታት ዝተለማመድናዮ ዕላል፡ ሕጂ ብሕሹኽታ ኣብ ውሽጠይ ይቕጽል ኣሎ ፡፡ ንስኻ ብኣካል ምርሓቕካ፡ ካብ ሓሳበይ ምውጻእካ ማለት ኣይኮነን ፡፡ ብኣንጻሩ፡ እቲ ትጽቢት ባዕሉ ሓደ ዓይነት ህላወ ' ኮይኑ፡ ንበይነይ ከም ዘይኮንኩ ይገብረኒ ፡፡ ሰባት “ በይንኻ ኣለኻ ' ይብሉኒ ፣ ኣነ ግን ፍሽኽ እብል ፤ ምኽንያቱ ንሳቶም እቲ ኣብ ውሽጠይ ዝዓቀብኩዎ ናትካ ምስሊ ኣይርእይዎን እዮም ፡፡ ትጽቢትካ፡ መገሻ ዘይብሉ ጉዕዞ እዩ ፡፡ " ኣብ ኩሉ ኩርናዓት ናይዚ ህይወተይ፡ ንስኻ ዘለኻ ኮይኑ እዩ ዝስምዓኒ፡ ንስኻ ብኣካል ምርሓቕካ፡ ካብቲ ኩሉ ግዜ ምስኻ ዝገብሮ ናይ ሕልና ዕላል ኣየቋረጸንን ፡፡ ሓደ ሓደ ግዜ፡ ሰብ ክዛረበኒ ከሎ፡ ኣነ ግን ምሳኻ እየ ዘለኹ ፤ “ እዚ ነገር እዚ እንተ ዝርእዮ እንታይ ምበለ ? ' ወይ ' በዚ ነገር እዚ ክንደይ ምሰሓቐ ? ' እናበልኩ ብሓሳብ ምሳኻ እዛረብ ፡፡ እቲ ትጽቢት፡ ከም ሓደ ዓሚቕ ባሕሪ እዩ ፡፡ ኣብ ገጸይ ፍሽኽታ እንተለዎ እኳ፡ ኣብ ውሽጠይ ግን “ መዓስ እዩ እቲ ድምጽኻ ዝሰምዓሉ ወይ ምርኣይካ ዝረኽበሉ ? ' ዝብል ናፍቖት ወትሩ ኣሎ ፡፡ ንስኻ ንዓይ ካብ ሓደ ዓርኪ ወይ ፈታዊ ንላዕሊ ኢኻ ፤ ንስኻ እቲ ኣብ ግዜ ጸጥታ ዝሰምዖ ድምጺ ልበይ ኢኻ ። ርሕቀት ንኣካላት እምበር ንመንፈስ ኣይፈላልዮን እዩ ፡፡ ንስኻ ኣብቲ ዘየለኻሉ ቦታ እውን፡ ካብቲ ዘለዉ ሰባት ንላዕሊ ህላወኻ ይስምዓኒ ፡፡ እቲ ትጽቢት ክሳብ ዝውዳእ፡ እቲ ናፍቖት ከኣ ናብ ሓጎስ ክሳብ ዝቕየር፡ ንስኻ ወትሩ ኣብ ውሽጠይ ንጉስ ናይቲ ዝሓልሞ ዓለም ኮይንካ ክትነብር ኢኻ ፡፡ ' እቲ ዘይርአ ህላወ ' ' ኣብ መንጎ ምህላውን ዘይምህላውን ዘሎ ጋግ፡ ሓደ ሓደ ግዜ ብናፍቖት ጥራይ እዩ ዝምላእ ፡፡ ኣነ በይነይ ኣለኹ፡ ግን ከኣ በይነይ ኣይኮንኩን ፡፡ እቲ ሰብ ኣብ ጥቃይ የለን፡ ግን ከኣ ኣብቲ ዝሰተክዎ ጽዋእ ቡን፡ ኣብቲ ዘንበብክዎ መጽሓፍ፡ ኣብቲ ንፋስ ዘውጽኦ ድምጺ ኹሉ ህላወኡ ይስምዓኒ፡፡ እቲ ትጽቢት፡ ከም ሓደ ዘይውዳእ መዝሙር ኣብ ውሽጠይ ይቃላሕ ፡፡ ማዕጾ ክኽፈት ከሎ፡ ልበይ ቅድሚ ኣዒንትይ እዩ ዝነቅሕ ፡፡ ' ሎሚኸ መልእኽቲዶ ይስደደለይ ይኸውን ? ' ወይ ብሃንደበትዶ ይመጽእ ይኸውን ? ' ዝብል ሕቶ፡ ንመዓልታዊ ህይወተይ ትርጉም ይህቦ ። እቲ ሰብ ብኣካል ስለ ዘየለ፡ ኣብ ኣእምሮይ ዝያዳ ቦታ ይሕዝ ፤ ኣብ ኩሉ ዕላለይ ምስኡ ይዛረብ፡ ንኹሉ ዘጋጠመኒ ታሪኽ ከኣ ንዕኡ ንምንጋር ይብህጉ፡ እዚ ስምዒት እዚ፡ ስቓይ ጥራይ ኣይኮነን ፤ እኳ ድኣ እቲ ሰብ ንዓይ ዘለዎ ክብርን ፍቕርን ክሳብ ክንደይ ዓሚቕ ምዃኑ መርኣያ እዩ ፡፡ ሰብ ካብ ዓይኒ ክርሕቕ ይኽእል እዩ፡ ካብ ስምዒት ግን ኣይርሕቕን ፡፡ እቲ ትጽቢት ባዕሉ ሓደ ዓቢ ተስፋ እዩ — ተስፋ ናይቲ ዳግማይ ምርኻብ ። #eritreantiktok🇪🇷🇪🇷habesha #libya🇱🇾 #viral #capcut

{Fŧ§ũm}

Open In TikTok:

Region: LY

Wednesday 17 June 2026 03:09:57 GMT