@jay.jose.de.vera: Sa Pagkilala Lamang sa Sariling mga Maling Pananaw Maaaring Tunay na Magbago ang Isang Tao 📚 Sabi ng Makapangyarihan Diyos Ang isang bahagi ng mga taong gaya ni Tomas ay totoong umiiral sa iglesia. Patuloy nilang pinagdududahan ang pagkakatawang-tao ng Diyos, at hinihintay nilang umalis ang Diyos sa mundo, bumalik sa ikatlong langit, at na makita ang tunay na anyo ng Diyos upang maniwala sa wakas. Sadyang hindi sila naniniwala na ang pagkakatawang-tao ng Diyos at pagpapahayag Niya ng katotohanan ay ang Kanyang pagpapakita at paggawa ng gawain Niya. Pagdating ng oras na aktuwal na makita ng gayong mga tao ang espirituwal na katawan ng Diyos, magiging huling-huli na ang lahat, at iyan ang oras na sila ay kokondenahin na ng Diyos. 📚 Sinabi ng Panginoong Jesus kay Tomas, “Sapagkat Ako ay nakita mo ay sumampalataya ka: mapapalad yaong hindi nangakakita, at gayon man ay nagsisampalataya” (Juan 20:29). Ang mga salitang ito ay nangangahulugan na siya ay kinondena na ng Panginoong Jesus at na siya ay isang hindi mananampalataya. Kung tunay kang nananampalataya sa Panginoon, at naniniwala na ang lahat ng salitang sinasabi Niya ay ang katotohanan, at hindi mo pinagdududahan ang Panginoon sa iyong puso, pagpapalain ka. Gayumpaman, may ilang tao na sumunod sa Panginoong Jesus nang ilang taon ngunit hindi naniniwala na ang mga salita ng Panginoong Jesus ay ang katotohanan, lalong hindi sila naniniwala na maaari Siyang mabuhay na mag-uli mula sa mga patay, o na Siya ang Diyos na makapangyarihan sa lahat. Ang mga taong iyon ay walang tunay na pananalig at hindi sila magkakamit ng mga pagpapala. Ang mga nananampalataya sa Panginoon ngunit hindi naniniwala na Siya ang katotohanan ay walang makakamit na anuman. Kung palagi kang may mga pagdududa sa iyong pananampalataya sa Diyos, at palagi mong gusto na magpakita ang Diyos sa iyo o gumawa ng mga tanda at kababalaghan bago ka manampalataya sa Kanya, hindi ito pananalig—ito ay paniniwala lamang pagkatapos makakita. Bilang isang nilikha, paano ka naging kalipikado na hilingin sa Diyos na personal na magpakita sa iyo? Paano ka naging kalipikado na hilingin sa Kanya na personal na magsalita sa iyo, isang taong ginawang tiwali? Bukod pa rito, paano ka naging kalipikado na hilingin sa Kanya na ipaliwanag nang malinaw ang lahat ng bagay sa iyo bago ka maniwala? Kung nagtataglay ka ng katwiran, maniniwala ka pagkatapos mo lang makita na ang mga salitang ito na sinasabi ng Diyos ay pawang ang katotohanan. Kung tunay kang may pananalig, hindi mahalaga sa iyo kung ano ang sinasabi ng Diyos o kung ano ang Kanyang ginagawa, ni hindi magiging mahalaga sa iyo kung gaano kanormal ang Kanyang pagkatao. Sa halip, pagkakita na ang mga salita ng Diyos ay pawang ang katotohanan, magiging isandaang porsiyento ka nang kumbinsido na sinabi ng Diyos ang mga ito at na ginawa Niya ang mga bagay na ito, at magkakaroon ka ng pananalig na sumunod sa Diyos hanggang sa wakas, nang walang mga pagdududa.

Mark De,

Open In TikTok:

Region: PH

Wednesday 17 June 2026 03:22:34 GMT