#uae #هجن_الرئاسه #شعر #نادر_الشراري #شيلات . . اهداء الى معالي الشيخ سلطان بن حمدان آل نهيان ((( سته على سته ))) يامغنّم الفنيال زيّد فِـ هيله راسي مشوّشه الفعل قده يومين جر اللحن نادر ولا بـه وسيله صوتك يضخ الدم وسط الشرايين مدري متى في يوم يخلي سبيله فوق النذر آظنتي حالف يمين ياعزتي لـ السيف ياااا عزتي له حكمه مؤبد عند شيخ الميادين شعلة نشاط الركض ما فيه حيله كوّش على لشواط في لحظه وحين هجن الرياسه تحقق المستحيله عندي على قولي بنود وبراهين يا متابعين الركض عبر الحصيله عدوا معي الاشواط من وين لـ وين يتراكتن ع السبق ركت المخيله اللي ودقها فيّض السيل تسعين للواريـه شـوطٍ ولا فـي مثيلـه والعاصمه تطربلها الروح والعين والزاهيه تسوق البشاير فـ ليله وغارت على لكويت تعزيز في حين وريماس شبت نار راس الفتيله ورصيد دوله سيف من عقب سيفين ستة على سته و نظره جزيله لقصر البحر تَفرح شيوخٍ ميامين الاول ولا نرضى بـ مركز بديلـه هذي عوايدنا تخلّد من سنين سعود بن طريش - @jlmood317