@salim.9944: ✨ رنجية من الآخر 🥣 المكونات: * ٣ أكواب طحين أبيض * ملعقتين كبار سكر باودر * ملعقتين كبار حليب باودر * ملعقة كبيرة ونصف هيل مطحون * ملعقة كبيرة ونصف قرفة مطحونة * ١٨ ملعقة كبيرة سمن تقريبًا * ٣ أكواب تمر معجون * رشة ملح ✨ طريقة الرنجية: في البداية نحمص الطحين لين يتغير لونه ويصير بني فاتح، بعدها مباشرة نخليه يبرد شوي ثم نشخله. بعدها نضيف له: السكر الباودر، حليب الباودر، القرفة، الهيل ورشة الملح، ونخلطهم زين مع بعض. ثم نضيف السمن بالتدريج ونحرك لين يصير معنا خليط الطحين متماسك وناعم. في البايركس نحط ورق زبدة أو ورق نايلون، ثم نحط أول طبقة من خليط الطحين ونرصها عدل. بعدها نحط طبقة من التمر المهروس، ويكون مضاف له شوية زبدة ورشة هيل. ثم نحط الطبقة الأخيرة من خليط الطحين، ونرصها زين جدًا عشان تتماسك. ندخلها الثلاجة لمدة نصف ساعة تقريبًا لين تتماسك كل المكونات مع بعض. بعدها نطلعها ونقطعها مكعبات أو مثلثات حسب الرغبة. آخر شي نحطها في صحن التقديم ونزينها: ✨ النوع الأول بفستق مطحون ✨ والنوع الثاني بجوز الهند (النارجيل) 🥥 وبالعافية عليكم أحلى رنجية 🤍

سالم السنيدي 👨🏽‍🍳🇴🇲

Open In TikTok:

Region: IT

Wednesday 17 June 2026 07:38:03 GMT