@shka_373: Қазақстанда ең көп талқыланатын әрі қоғамда түрлі пікір тудыратын тақырыптардың бірі – дін мәселесі. Бұл тақырыпқа қатысты көзқарас білдірудің өзі кейде қызу пікірталасқа ұласады. Мемлекет ұлттық қауіпсіздікті қамтамасыз ету мақсатында діни экстремизм мен радикалды идеологиялардың таралуына қарсы жүйелі жұмыстар жүргізіп келеді. Қаңтар оқиғасынан кейін еліміздегі радикалды діни ағымдардың белсенділігі төмендегендей көрінгенімен, сарапшылар бұл кеңістікте басқа топтардың ықпалы артуы мүмкін екенін жоққа шығармайды. Қоғамдағы діни ахуал, түрлі ағымдардың әрекеті және олардың ықпалы бүгінде өзекті мәселелердің бірі болып қала береді.