مين بيعرف شو اسم هالأكلة؟ 😍 أكلة بتسرق القلب من طيبتها فعلًا 👌 تابعوني إذا أول مرة بتشوفوا حسابي 🌺 اليوم أكلتنا حلبيّة بامتياز 😍 فاصوليا خضرا وبقلبها كوسا محشي، يعني أكلتين من أطيب الأكلات اجتمعوا بطنجرة وحدة، فطبعاً النتيجة كانت ولا أروع 🤤👌 المقادير: 🔸 لحشوة الكوسا: * كوسا محفورة ومنظفة * أرز منقوع ومغسول * لحمة ناعمة حمرا * ملعقة طعام زيت زيتون (وممكن تستبدلوها بالسمنة أو الزبدة) * ملعقة طعام توم مهروس * ملعقة طعام دبس أو صلصة بندورة * ملعقة صغيرة نعنع ناشف * رشة سبع بهارات * رشة فلفل أسود * ملح حسب الرغبة منخلط كل مكونات الحشوة منيح، ومنحشي الكوسا 👍🏻 🔸 لتحضير الفاصوليا: * فاصوليا خضرا مغسولة ومقطعة حجم وسط * توم مهروس * لحمة ناعمة حمرا، أو ممكن لحمة شقف * رشة كزبرة ناشفة * رشة فلفل أسود * ملح حسب الرغبة * ملعقة طعام دبس أو صلصة بندورة * بندورة مقشرة ومخفوقة 🔸 طريقة التحضير: بالطنجرة على الغاز، منقلي التوم مع الكزبرة بملعقة زيت زيتون. منضيف اللحمة ومنقليها شوي، وبعدها منضيف الفاصوليا الخضرا، ومنتبل بالفلفل الأسود والملح. منضيف دبس البندورة ومنقلب الكل مع بعض دقيقتين. بعدها منضيف البندورة المخفوقة، وآخر شي منرتب الكوسا المحشي فوق الفاصوليا. منغطي الطنجرة ومنتركها على نار هادية لحتى تستوي. أخدت عندي تقريباً ساعة وكانت صارت جاهزة 👍🏻 بتنقدم سخنة، ومع أول لقمة رح تعرفوا ليش هالأكلة من أطيب الأكلات الحلبية 😍 بتمنى تجربوها وتعجبكم، وألف صحة وهنا على قلبكم إذا جربتوها 🥰 🌺🌺🌺 #محشي #محشي_كوسا #محاشي #اكسبلورexplore #فاصوليا - @wafaa.a.horakli