@qrnewskz: Дастан Сәтпаев «Қайратпен» қоштасты: Жас талант «Челсиге» аттанбақ Алматылық «Қайраттың» 18 жасқа толған шабуылшысы Дастан Сәтпаев өз алаңындағы соңғы матчын өткізіп, лондондық «Челсиге» салтанатты түрде шығарып салынды. «Орталық» стадионда өткен Қазақстан Премьер-лигасының кезекті турында алматылық клуб «Қызылжарды» 3:0 есебімен сенімді жеңді. Матчтың басты кейіпкері атанған Сәтпаев бұл кездесуде екі гол соғып, жанкүйерлеріне ұмытылмас қоштасу бенефисін сыйлады. Ойын алдында клуб қожайыны Қайрат Боранбаев футболшыға команда сапында 58 ресми матч өткізгенінің белгісі ретінде №58 арнайы естелік жейдені табыс етті. Ал трибунадағы жанкүйерлер «Еуропа дайын бол! Қазақ баласы келеді» деген алып баннер ашып, ерекше құрмет көрсетті. Естеріңізге сала кетейік, лондондық «Челси» қазақстандық шабуылшыны отандық футбол тарихындағы рекордтық сомаға — 4,3 миллион еуроға сатып алған болатын. Бастапқы жоспар бойынша Дастан Англияға тамыз айында, 18 жасқа толғанда баруы керек еді. Бірақ «Челсидің» шұғыл шақыртуымен ол 26 маусымда Лондонға ұшады.

QRNewskz

Open In TikTok:

Region: KZ

Wednesday 17 June 2026 17:46:32 GMT