18 İyun – Azərbaycanın Milli Qəhrəmanı şəhid Mübariz İbrahimovun anım günü Bu gün Azərbaycan xalqının qəhrəmanlıq salnaməsinə adını qızıl hərflərlə yazdırmış Azərbaycanın Milli Qəhrəmanı Mübariz İbrahimovun anım günüdür. Mübariz İbrahimov öz canını Vətən uğrunda fəda edərək sübut etdi ki, torpaq sevgisi hər şeydən ucadır. Onun göstərdiyi misilsiz igidlik Azərbaycan əsgərinin yenilməz ruhunun, vətənə sədaqətinin və milli qürurunun ən parlaq nümunələrindən biridir. 2010-cu ilin iyunun 18-dən 19-na keçən gecə göstərdiyi qəhrəmanlıq onu xalqımızın yaddaşında əbədi yaşadacaq bir zirvəyə yüksəltdi. Bu müqəddəs gündə Mübariz İbrahimovu və bütün şəhidlərimizi dərin hörmət, ehtiram və rəhmətlə anıram. Onların müqəddəs qanı ilə qorunan bu Vətən hər zaman var olsun. Ruhun şad olsun, qəhrəman oğul! Sənin şücaətin, cəsarətin və Vətən sevgin gələcək nəsillər üçün əbədi örnək olaraq yaşayacaq. Allah bütün şəhidlərimizə rəhmət eləsin, məkanları cənnət olsun. 🇦🇿🕊️ Hörmətlə, Qazi Cümşüd Hüseynov ✍️🏻 - @snayper.218