@maxammadsaleebaan: Waxa aan maqlayaa geerida mutacallinkii weynaa ee Saalax Jaamac Xuseen. Waa geeri naxdin leh. Waxa kale oo naxdin leh xaaladda murugada leh ee geeridiisa iyo sida aan waxba looga reebin aqoontii iyo aragtidii ballaadhnayd ee uu xanbaarsanaa. Runtii, maktabad dhan ayaa innaga oo arkayna hoyatay. Waa halkii Gaarriye e (AHN), "Alleylehe qod baa dhacay!" Saalax Jaamac Xuseen waxa uu ahaa buuni iyo indheergarad Soomaaliyeed oo si xeel fog ugu takhasusay maansada iyo falsafadda. Alle ha u naxariisto isaga iyo walaalladiisii ka geeri horreeyay ee Xaamud Jaamac Xuseen iyo Siciid Jaamac Xuseen — oo saddexdooduba ahaa rag meelgal ah oo nolosha ku lahaa kaalmo macne leh oo inta dad nool yahay lagu xusuusan doono.