@atyraursc: «Қазыналы Каспий» халықаралық фестиваліне 5 мыңнан астам атыраулық қатысты «Қазыналы Каспий» халықаралық фестиваліне 5 мыңнан астам қала тұрғыны жиналды. «Жастар» саябағы балық шаруашылығы дәстүрлері мен өңірдің гастрономиялық мәдениетіне арналған ауқымды мәдени-көпшілік шаралардың негізгі алаңына айналды. Облыс әкімінің орынбасары Марат Мурзиев танысып, мұндай шаралардың халықаралық ынтымақтастықты нығайтуға, Каспий маңында елдердің туристік әлеуетін арттыруға және балық шаруашылығын кеңінен насихаттауға ықпал ететінін атап өтті. Фестиваль аясында Жайық өзенінің биоресурстарын толықтыру мақсатында экологиялық акция ұйымдастырылып, 3 мың бекіре тұқымдас балық шабағы өзенге жіберілді. Мерекелік бағдарламаның көркін өзендегі кемелер шеруі қыздырды. Әлиев көпірінен Тұрғындар қалашығындағы көпірге дейін Жайық өзенімен 50 кеме мен қайық салтанатты сап түзеп өтті. Сондай-ақ кәсіби аспаздар арасында өткен шеберлік байқауы да көпшіліктің қызығушылығын тудырды. – Біз жергілікті балықтардан әзірленген авторлық тағамдарымызды ұсындық. Атап айтқанда, көксеркеден дайындалған салат, жаңа ауланған балық сорпасы және қызыл балықтан жасалған ыстық тағам әзірледік. Енді қазылар алқасының бағасын күтіп отырмыз. Осындай іс-шаралар бізді кәсіби тұрғыдан дамуға және шеберлігімізді шыңдауға ынталандырады, – деді бас аспаз Исламбек Ұзақберген. Фестиваль аумағында балық өнімдерінің жәрмеңкесі мен гастрономиялық алаң жұмыс істеп, тұрғындар мен қала қонақтары жергілікті өнімдермен танысты. Жастар арасында Fish Dance Battle би сайысы ұйымдастырылса, бүлдіршіндерге «Каспий теңізінің қарақшылары» атты театрландырылған қойылым ұсынылды. Фестиваль жергілікті өнерпаздардың қатысуымен өткен мерекелік концертпен қорытындыланды.

635

There are no more comments for this video.

To see more videos from user @atyraursc, please go to the Tikwm homepage.