@lady.control50: كنت قاعدة بتابع ريل لـ مي إبراهيم، وفي نهاية الفيديو قالت كلمة ذكية جداً لفتت انتباهي.. مي كانت بتتكلم عن تكنيك سيكولوجي خطير في العلاقات اسمه السؤال العكسي بنات كتير لما بتحس إن الراجل انشغل عنها أو إهمالها، بتروح فوراً وتواجهه بجملة هجومية زي… أنت مبقتش تحبني! أو أنت دايماً مهملني! مي هنا بتشرح ليه الطريقة دي بتدمر العلاقة تماماً. لما بتقوليله أنت مبقتش تحبني الراجل مش بيسمعها كعتاب رقيق.. عقله بيترجمها فوراً على إنها اتهام وتقليل كأن كل اللي بيعمله وتعبه مش متشاف ومفيش تقدير.. فبدل ما ياخد دور الحبيب الحنين اللي يطبطب عليكي، عقله بيخليه ياخد دور المدافع عن نفسه فبيدخل معاكم في جدال وعناد وخناق ملوش آخر! بدل ما تهاجميه، اتكلمي عن مشاعرك واحتياجك أنتي.. جربي تقوليها كدا: وحشتني.. وحشني اهتمامك بيا.. وحشني الوقت اللطيف اللي كنا بنقضيه سوا شفتي الفرق؟ هنا أنتي محطيتيهوش في قفص الاتهام، أنتي أظهرتي جانبك الأنثوي الرقيق اللي محتاجله، وده بيحرك جواه غريزة البطل اللي عايز يحميكي ويسعدك، فهتلاقيه بيقرب منك ويهتم بيكي بكل حب بدل ما تدخلوا في دوامة جدال. طريقة صياغتك للجملة هي اللي بتحدد هتاخدي منه حب ولا هتاخدي منه خناق! ودلوقتي شاركيني في الكومنتس بكل صراحة.. لما بتزعلي منه أو بتحسي إنه مشغول عنك، بتعملي إيه؟

Lady Control

Open In TikTok:

Region: EG

Wednesday 17 June 2026 20:30:09 GMT