@nour_news1: تخيل تبقى أم ربت وكبرت وصرفت وضيعت عمرها كله على ابنها، وفي الآخر تبقى نهايتها بالشكل ده 💔 أم عندها 76 سنة توفت قبل رمضان اللي فات بأيام، لكن بدل ما ابنها يبلغ بوفاتها ويدفنها بالشكل اللائق، قرر يخفي الخبر عن الكل. 4 شهور كاملة محدش يعرف إنها ماتت، لا أهلها ولا جيرانها. ولما أخواته شكّوا في الموضوع وبلغوا الشرطة، كانت الصدمة أكبر من أي حد يتخيلها. داخل صالة الشقة، لقوا صندوق متغطّي بالرمل والأسمنت والخرسانة، وداخله جثمان الأم. وكل دا عشان يفضل يصرف معاشها ومعاش والده المتوفى، واللي بيوصل لحوالي 22 ألف جنيه في الشهر. بعيدًا عن أي تفاصيل قانونية، أصعب سؤال في الحكاية كلها: إزاي الفلوس ممكن تخلي إنسان ينسى إن اللي قدامه دي أمه 😢 الله يرحمها ويغفر لها، ويجعل كل أم وأب في أمان ورحمة.