ما تسمحوا لي زول إنو يقلل من قيمتكم .. يلعب بمشاعركم .. يستهون بيكم ! ما تنتظر زول يقول ليك أنت زول لطيف وجميل ورهيب .. خليك عارف قيمة نفسك كويس شديد عشان الناس تعرف قيمتك. واللي بيدوس ليك على طرف قول ليهو يا بابا مع السلامة وجودك ما بيلزمني ! في الوقت اللي بتشوف نفسك زول رهيب وعظيم وحاجة غالية ! = هنا بتخلي الزول القدامك يتعب ويجاهد عشان يوصل ليك وقتها هنا حيقدر يقيمك صح وحيخاف إنه يخسرك ! لأنه الحاجة الغالية لازم يكون متعوب عليها وإلا ما حيبقى ليها طعم. ود ما غرور ونرجسية على فكرة ! كونك تقّدِّر نفسك شديد وتقيّم ذاتك تقييم يليق بيك كدا يدوبك حتكون شخصية عارفة نفسها عاوزة شنو وما بتقبل بي حاجة ما بتشبها. نحن رهيبين شديد وأي زول فينا عندو رهابة بتميزو وكل الحاجات اللي خسرناها قبل كدا دي العتبة اللي حنطلع بيها لمكاسب حلوة شديد. ما كعب إنك تبقى أناني في حق نفسك ! دلِّع نفسك .. هوِّن عليها .. حبها شديد .. ما تظلمها بإختياراتك الغلط والناس اللي ما بتشبهك .. أسعى وأشتغل على نفسك شديد عشان تكون زول عندو قيمة .. ما تستسلم لأحزانك وتندب في حظك يمين وشمال ! من حقكم تطبطبوا على نفسكم زي ما بتطبطوا على غيركم ! وتحبوا نفسكم وي ما بتحبوا غيركم وأكتر كمان. لكل موقف كان مفترض أضعف فيهو بس قمت على حيلي وإنتفضت ووقفت على حيلي وأنا أقوى من أول ! الحاجة الحلوة شديد اللي حابيها في نفسي ! إني عارف كويس شديد أنا عاوز شنو وشنو اللي ما عاوزاو بعرف أخُت حدود وبفكر بي عقلي قبل ما أخلي قلبي هو اللي يسوقني ! بنسحب تلقائياً من كل حتة هي ما شبهي .. ودا سبب كافي عشان يخليني أصنع عالم لطيف خاص بي براااي.!)) ❤ - @dianaphillip3