@joq: Një denoncim ka mbërritur në redaksinë e JOQ Albania nga një qytetar që pretendon se gjatë qëndrimit në një apartament me qira në Vlorë ka vënë re një pajisje të dyshimtë të vendosur në mes të tavanit të dhomës. Sipas denoncuesit, kur ka pyetur pronarët për pajisjen në fjalë, i është thënë se bëhet fjalë për një detektor tymi. Megjithatë, qytetari e kundërshton këtë shpjegim dhe pretendon se pajisja duket qartë si kamerë monitorimi dhe jo si një aparat i zakonshëm për zbulimin e tymit. Ai shprehet se ka punuar më parë me sisteme sigurie dhe njeh mirë si detektorët e tymit ashtu edhe kamerat e vëzhgimit. Sipas tij, pajisja në fjalë i ngjan një kamere 360 gradë me mikrofon të integruar, e aftë të monitorojë të gjithë ambientin. Qytetari thotë se është larguar menjëherë nga ambienti pasi ka konstatuar pajisjen dhe më pas ka kontaktuar JOQ Albania. Sipas tij, rasti është referuar edhe pranë Policisë së Vlorës dhe pritet verifikimi nga autoritetet për të përcaktuar natyrën e pajisjes. Nëse pretendimet rezultojnë të vërteta, pyetja mbetet e thjeshtë: çfarë pune ka një kamerë e vendosur në mes të dhomës, përballë krevatit ku klientët flenë, ndërrohen dhe kalojnë momentet e tyre private? Dhe më e rëndësishmja, a janë njoftuar ndonjëherë pushuesit se po monitoroheshin?

JOQ Albania

Open In TikTok:

Region: AL

Wednesday 17 June 2026 23:32:45 GMT