Bill Gates ayaa mar la weydiiyay haddii uu jiro qof isaga ka qanisan. Wuxuu ku jawaabay: “Haa, waxaan arkay hal nin oo iga qanisan.” Waxaa markaas la weydiiyay qofka uu yahay. Bill Gates wuxuu yiri: Markii aan dhammeeyay waxbarashadayda, anigoo isku diyaarinaya inaan soo bandhigo mashruuca Microsoft, ayaan maalin anigoo ka duulaya garoonka diyaaradaha ee New York indhahaygu qabteen wiil yar oo madow ah oo iibinayay wargeysyo. Mid ka mid ah wargeysyadii uu watay ayaa ciwaankiisu i soo jiitay, markaas ayaan isku dayay inaan iibsado. Balse ma aanan wadan lacag jajab ah, sidaas darteed waxaan go'aansaday inaan iska dhaafo. Wiilkii yaraa ayaa wargeyskii ii soo taagay, wuxuuna igu yiri: “Qaado, anigaa ku siiyay.” Waxaan ku iri: “Ma haysto lacag jajab ah.” Wuxuu igu yiri: “Qaado, anigaa kuu hadiyeynaya.” Saddex bilood kadib, isla arrintii ayaa mar kale dhacday. Isla goobtii, isla wiilkii, haddana mar kale ayuu wargeys ii hadiyadeeyay. Waxaan ku iri: “Hore ayaad sidaan oo kale wargeys ii siisay. Adiga ma qof kasta oo aan lacag wadan ayaad sidaan u siisaa?” Wiilkii yaraa wuxuu yiri: “Haa, wax bixinta farxad ayaan ku dareemaa.” Bill Gates wuxuu yiri: “Ereyadaas iyo aragtidii wiilkaas maskaxdayda kama aysan bixin.” 19 sano kadib, markii aan gaaray heerka ugu sarreeya ee guusha, isla markaana aan noqday qofka ugu qanisan adduunka, ayaan go'aansaday inaan raadiyo wiilkaas si aan abaalkaas ugu gudo. Waxaan sameeyay koox raadisa, waxaana bil iyo bar oo baaritaan iyo xaqiijin ah kadib lagu helay isagoo ka shaqeynaya waardiyenimo. Waxaan ku iri: “Ma i taqaanaa?” Wuxuu yiri: “Haa, waxaad tahay Bill Gates.” Waxaan ku iri: “Sanado ka hor laba jeer ayaad wargeys ii siisay. Maanta waxaan rabaa inaan wanaaggaas kuu gudo, ee waxaad doonto dalbo.” Wuxuu yiri: “Mahadsanid, waxba uma baahni.” Waxaan ku iri: “Waxaan rabaa inaan kuu gudo wanaaggii aad ii samaysay.” Wuxuu yiri: “Wanaaggaas ma ii gudi kartid, sababtoo ah anigoo baahan ayaan wax ku siiyay, adigana maanta oo wax walba aad haysato ayaad rabtaa inaad ii gudo. Labaduba isku mid ma aha, balse mahadsanid.” Bill Gates wuxuu yiri: “Ereyadaas ayaa i dareensiiyay inuu iga qanisan yahay, sababtoo ah wax bixinta ugu fiican waa midda uu qofku bixiyo isagoo isaguba u baahan.” #tiktok #viral #foryou - @nasser_aarka