@hlaingmyintmo4: အရိုးဆက် 1ပင်-3500ကျပ် 👉"အရိုးဆက်ပင် အသားဆက်ပင် အကြောဆက်ပင်" ဤအပင်သည် ကျွန်းရွက်နှင့် အတော်တူပြီး ဖက်ခါးပင်ကဲ့သို့ အသီးပါ တူသည်။ အရိုးကျိုးလျှင် ဆေးရုံသွားစရာပင် မလိုဟု ဆိုကြသည်။ တစ်ခါက ကျွဲကြီးတစ်ကောင် တောင်ပေါ်မှ ပြုတ်ကျပြီး အရိုးများ အကုန်ကျိုးကျေနေသည်ကို ဤအပင်၏ အရွက်များဖြင့် အုပ်ထားခဲ့ရာ နောက်နေ့တွင် အကောင်းပကတိအတိုင်း အိမ်ပြန်လာသည်ဟု ဆိုသည်။ အလွန်ပင် ထူးဆန်းလှသည်။ အသားများ ဟက်ပက်ကွဲရှနာလျှင်ပင် အရွက်ကို ထောင်းပြီး အုံထားပါက ခဏချင်းအတွင်း အသားများ ပြန်ဆက်သွားတတ်သည်။ တစ်ခါက ခုတ်ထစ်ထားသော ကြက်သားများကို ဤအရွက်နှင့် ထုတ်ပိုးပေးလိုက်ရာ အိမ်ရောက်သောအခါ ကြက်က အကောင်လိုက်ကြီး ပြန်ဖြစ်နေသည်ဟု ဆိုကြသည်။ အလွန်ပင် ဆန်းကြယ်လှသည်။ အကြောများအတွက်လည်း အလွန်သန်မာစေသည်။ ကမ္ဘာက ကု၍မပျောက်သော ပိုလီယိုရောဂါပင် ဤအပင်ကြား သွားထိုင်နေလျှင် ပျောက်ကင်းသည်ဟု ဆိုကြသည်။ တစ်ခါက ခြေထောက်မသန်သော ကောင်လေးတစ်ယောက် ဤအပင်များကြားတွင် အလေးသွားရာမှ ထလာသောအခါ ခြေထောက်များ အကောင်းအတိုင်း ပြန်ဖြစ်သွားသည်ဟု ဆိုသည်။ အလွန်ပင် အံ့ဩစရာကောင်းလှသည်။ မည်သို့ပင်ဖြစ်စေ နားထောင်ရသည်မှာ အလွန်ကောင်းလှသဖြင့် အင်တာနက်တွင် ရှာဖွေဖတ်ရှုရာ အထက်ပါပုံပြင်များမှာ ဟုတ်နိုးနိုးပင် ရှိတော့သည်။ အထူးသဖြင့် အကြောအားတိုးဆေးအဖြစ် အမြစ်ကို နွားနို့နှင့် စိမ်သောက်ပါက အလွန်ပင် အစွမ်းထက်သည်ဟု ဆိုကြသည်။ အသားဆက်၊ အရိုးဆက်၊ အကြောဆက်ပင်သည် တကယ်ပင် ကောင်းမွန်ပုံရပြီး ရပ်ထဲရွာထဲတွင်လည်း လူပြောသူပြော အတော်များသည်။ အရေးကြုံသည့်အခါ သုံး၍ရပေသည်။ ထို့ထက် သစ်ပင်ကို ချစ်မြတ်နိုး၍ဖြစ်စေ၊ မိမိအတွက် အသုံးကျသော ဆေးဝါးဖြစ်၍ဖြစ်စေ "ဆေးပင်" တစ်ပင်အဖြစ် စိုက်ပျိုးဖြစ်ခဲ့လျှင် လက်ညောင်းခံရကျိုး နပ်လှပါသည်။ ဘုန်းကြီးဦးနာဂသိန်၏ "ပုံပြဆေးအဘိဓာန်" ထဲမှ ဗဟုသုတအဖြစ် ကူးယူဖော်ပြပေးလိုက်ပါသည်။ ကြဖက်ကြီး လက်တင်အမည်: Leea Macrophylla ပုံသဏ္ဌာန်: ပင်ထောင်ငယ် အပင်မျိုးဖြစ်သည်။ အရွက်မှာ အင်ရွက်ထက်ပင် ကြီးပြီး ခွေးသွားစိပ်များ ရှိသည်။ အကိုင်းများ စိမ်း၍ အပွင့်သည် ဖြူသည်။ အမြစ်သည် ဥကဲ့သို့ ဖြစ်ပြီး အရောင်ဆိုးရန်နှင့် ဆေးဝါးအဖြစ် အသုံးပြုရသည်။ ဂုဏ်နှင့် စွမ်းရည်: အမြစ်သည် ချုပ်၏။ အနာကို အသားနုတက်စေ၏။ နာကျင်ကိုက်ခဲခြင်းကို ပျောက်ကင်းစေ၏။ သွေးယိုစီးခြင်းကို တားမြစ်တတ်၏။ ကိုယ်၌ နာကျင်ကိုက်ခဲခြင်း ဖြစ်ပါက အမြစ်ကို သွေး၍ ပူအောင်ပြုပြီး လိမ်းပေးရ၏။ အချို့ဒေသများတွင် အရွက်နုကို ဟင်းချိုချက်စားကြသည်။ အမြစ်ကို သွေးလိမ်းပါက ပွေးပျောက်၏။ ၎င်း၏ သတ္တုရည်ကို အနာမြုံများတွင် အုံပေးလျှင် အနာကျက်၍ အသားနု တက်စေသည်။ "ရောဂါအလိုက် အသုံးပြုနည်း" ပွေးနာ: ၎င်းအမြစ်ကို ရေနှင့်သွေး၍ လူးပါက ပျောက်ကင်း၏။ အကြောရောင်ရောဂါ: ၎င်းအမြစ်ကို ရေနှင့်သွေး၍ မီးနှင့် အတန်ငယ် ပူအောင်နွှေးကာ အကြောတလျှောက် ရောင်ရမ်းရာ၌ လိမ်းပေးပါက ပျောက်ကင်း၏။ အနာ အသားနုတက်ဆေး: ၎င်းအမြစ်ကို ရေနှင့် ညက်အောင်ကြိတ်၍ အဝတ်စပေါ်တွင် သုတ်လိမ်းကာ ဖရောင်းချက်ကပ်သကဲ့သို့ အနာပေါ်၌ ကပ်ပေးပါက အသားနု လျင်မြန်စွာ တက်၏။ အကိုက်အခဲပျောက်ဆေး: ခန္ဓာကိုယ်တွင် မည်သည့်နေရာမဆို ကိုက်ခဲနာကျင်ပါက အမြစ်ကို သွေး၍ မီးနှင့် နွေးအောင်ကင်ပြီး လိမ်းပေးပါက ပျောက်ကင်း၏။ အနာ သွေးတိတ်ဆေး: အနာမှ သွေးများ ယိုစီးနေပါက အမြစ်ကို ရေနှင့်သွေးလိမ်းလျှင် သွေးယိုစီးခြင်း ရပ်စဲသွားပါလိမ့်မည်။ ရှေးလူကြီးများ၏ အဆိုနှင့် ဆေးကျမ်းလာ ဗဟုသုတများကို Alin Thit Media ပရိသတ်များအတွက် ပြန်လည်မျှဝေပေးလိုက်ပါတယ်။ အားလုံးဘေးကင်းကျန်းမာကြပါစေ။ #AlinThitMedia #ကြဖက်ကြီး #အရိုးဆက် #အသားဆက် #အကြောဆက် မူရင်းရေးသူအားcrdပါရှင်🙏🙏🙏

Hlaing Myint Mo

Open In TikTok:

Region: MM

Thursday 18 June 2026 05:28:31 GMT