@yshr252401e: كنت شايفة الدنيا وقفت عند فلان... دايراهو هو وبس، حب عمري زي ما بقولوا. بس مافي قسمة حصلت بيناتنا، والقلب انكسر وقلت خلاص يا رب مستحيل أتجاوز، مستحيل أحب زول غيرو، مستحيل قلبي يرتاح تاني. قعدت براي مع وجعي، وشايفة كل البنات مبسوطين إلا أنا. كنت بقول ليه يا رب كدا؟ ليه هو بالذات يتشال مني؟ بس ربنا ما بنسى عبده ولا بخليك موجوعة ساي... يوم ورا يوم الجرح بدا يبرد، والزول الما كان في القسمة بدا يتنسي شوية شوية. وفجأة ربنا دخل في حياتي زول تاني... زول ما كنت متخيلاه ولا خاتاه في بالي. زول يخاف ربنا فيني، يحترمني، يطبطب على قلبي، ويعوضني عن كل يوم بكيتو زمان. حسيت إنو ربنا كان شايل عني شر كبير ومدس لي خير أحلى. هسي فهمت... الحياة ما بتديك العايزو، بتديك البناسبك وبستاهلك. ما كل باب اتقفل معناها نهاية، مرات بكون حماية وبداية جديدة. وعوض ربنا نساي والله، بعوضك لحدي تنسي الوجع القديم كله وتقولي الحمدلله. يا رب عوض كل زول موجوع عشان زول راح منو، عوضو بالزول البستاهلو، البخافك فيهو ويسعدو. يا رب اجبر قلوبنا جبر يليق بكرمك، وورينا الخير وين ورضينا بيهو. آمين 🤍 #عوض_ربنا #oops_alhamdulelah #جبر_الخواطر

Sa7ar💅♥️

Open In TikTok:

Region: SD

Thursday 18 June 2026 05:46:10 GMT