@gaditv: Kufuatia tukio la gari la mkuu wa wilaya ya siha mkoani Kilimanjaro, kupakizwa jeneza lililokuwa na mwili wa kijana mmoja anayedaiwa kuwa alifariki kwa ajali ya pikipiki baada ya kugongwa na gari la polisi, Uongozi wa wilaya hiyo umesema, jeneza hilo limewekwa juu ya gari lao, baada ya baadhi ya vijana kutoa mashinikizo mawili, wakitaka ufanyike ununuzi wa pikipiki mpya, kabla ya mazishi ya kijana huyo hayajafanyika. Mkuu wa wilaya hiyo, Dkt. Christopher Timbuka, akizungumza na GADI TV June 17, 2026, wilayani humo, amesema kuwa shinikizo la pili walilotoa vijana hao, nikutaka Jeshi la polisi liwaachie huru marafiki zao, ambao walikamatwa wakati wakiwa njiani wakiusindiza mwili huo, jambo ambalo lilifanyika, lakini shinikizo la kwanza likapelekea sintofahamu zaidi na vurugu kutokea katika eneo la msiba.