@sbmnews: ខ្វះទឹកហើយ ថែមទាំងកខ្វក់ដូចប្រេងបាតម៉ាស៊ីនទៀត! ................................... បេីឱ្យតែយ៉ាងនេះ តេីសុខភាពប្រជាពលរដ្ឋនឹងទៅជាយ៉ាងណា? ពលរដ្ឋរស់នៅក្រុងប៉ោយប៉ែត ខេត្តបន្ទាយមានជ័យ ត្អូញត្អែររឿងគ្មានទឹកស្អាតប្រេីប្រាស់ ហើយអ្វីដែលនឹកស្មានមិនដល់នោះ គឺទឹកដែលហូរមកតិចៗនោះ គឺឡើងខ្មៅដូចប្រេងបាតរថយន្ត ឬដូចភក់ទៅហើយ។ បញ្ហាខ្វះទឹក និងទឹកដ៏កខ្វក់នេះ ពិតជាប៉ះពាល់ខ្លាំងដល់សុខភាពសាធារណៈ និងជីវភាពរស់នៅប្រចាំថ្ងៃរបស់ពលរដ្ឋ។ មានពលរដ្ឋម្នាក់រស់នៅក្នុងក្រុងប៉ោយប៉ែត បានផ្ញើវីដេអូអំពីទឹកកខ្វក់ តាមទំព័រហ្វេសប៊ុកអង្គភាពសារព័ត៌មាន SBM News ហើយប្រាប់ថា មកដល់ពេលនេះ បញ្ហាទឹកកខ្វក់ នៅតែបន្តកើតមានដដែល។ តាមរយៈបណ្តាញសង្គម ពលរដ្ឋរស់នៅក្នុងមូលដ្ឋានខាងលេី ទទូចដល់អជ្ញាធរពាក់ព័ន្ធ មេត្តាជួយចុះពិនិត្យមេីលករណីនេះ ធ្វេីយ៉ាងណាឱ្យពួកគាត់មានទឹកស្អាតប្រេីប្រាស់គ្រប់គ្រាន់។ តាមពិត ពលរដ្ឋធ្លាប់បង្ហោះវីដេអូបង្ហាញពីបញ្ហាទឹកកខ្វក់លើបណ្តាញសង្គម តាំងពីអំឡុងខែឧសភា តែនៅមិនទាន់ដោះស្រាយបាន រហូតមកដល់ថ្ងៃទី១៨ ខែមិថុនានេះ គេក៏ឃើញពួកគាត់ បង្ហោះវីដេអូអំពីបញ្ហានេះជាថ្មីទៀត៕#sbmnews

SBM News

Open In TikTok:

Region: KH

Thursday 18 June 2026 08:14:07 GMT