@liil0vvez00: ကျွန်မဘဝရဲ့ လွယ်ကူခြင်းများဟာ အဖေ့ကြောင့်ပါ" လောကကြီးထဲမှာ လူတစ်ယောက်အနေနဲ့ ရှင်သန်ရတာ တစ်ခါတလေအကောင်းမမြင်ဖို့ကောင်းပြီး ခက်ခဲလွန်းပါတယ်။ ဒါပေမဲ့ အဲဒီလို ခက်ခဲပင်ပန်းမှုတွေကြားထဲကမှ ကျွန်မရဲ့ နေ့ရက်တိုင်းဟာ အဆင်ပြေပြေနဲ့ ဖြတ်သန်းနိုင်ခဲ့တာ၊ ဘဝက ပေါ့ပေါ့ပါးပါးနဲ့ လွယ်ကူနေခဲ့တာဟာ "အဖေ”ဆိုတဲ့ အရိပ်တစ်ခုအောက်မှာ ခိုလှုံခွင့်ရနေလို့ပါ။ ဘယ်သူကမှ ကိုယ့်ကို အကောင်းမမြင်တဲ့အချိန်၊ ကိုယ့်ကိုယ်ကိုယ်တောင် ယုံကြည်မှု ပျောက်ဆုံးနေတဲ့အချိန်မျိုးမှာတောင် အဖေကတော့ ကျွန်မရဲ့ အနားမှာ အမြဲရှိနေပေးတတ်သူပါ။ ဘာအကြောင်းပြချက်မှမရှိဘဲ တစ်လောကလုံးနဲ့ ရန်ဖြစ်ပြီး ကိုယ့်ဘက်ကနေ မားမားမတ်မတ် ရပ်တည်ပေးခဲ့တာ အဖေ တစ်ယောက်တည်းပဲ ရှိပါတယ်။ ကျွန်မ မှားခဲ့ရင်တောင် အဖေက အပြစ်မတင်ဘဲ "နောက်တစ်ခါ ပြန်ကြိုးစားကြည့်တာပေါ့" ဆိုတဲ့ နွေးထွေးတဲ့ စကားလုံးလေးတွေနဲ့ လမ်းပြပေးခဲ့တယ်။ အဖေ့ရဲ့ နားလည်ပေးမှုတွေ၊ အဆုံးမရှိတဲ့ ခွင့်လွှတ်မှုတွေကပဲ ကျွန်မကို ရှေ့ဆက်ဖို့ ခွန်အားတွေ ဖြစ်စေခဲ့တာပါ။ ကျွန်မရဲ့ အောင်မြင်မှုတိုင်းမှာတင်မကဘဲ ကျရှုံးမှုတိုင်းမှာလည်း အဖေက ဒိုင်းတစ်ခုလို ကာကွယ်ပေးထားတတ်တယ်။ တစ်ခါတလေ စိတ်ဓာတ်ကျလို့ မျက်ရည်ကျနေတဲ့အခါ အဖေ့ရဲ့ လက်တစ်စုံက ပုခုံးကို လာပုတ်ပေးတာနဲ့တင် စိတ်ထဲက အလုံးကြီး ကျသွားသလို ခံစားရတယ်။ အဖေသာ ဘေးနားမှာ ရှိနေရင် ဘယ်လို အခက်အခဲမျိုးပဲလာလာ ကျော်ဖြတ်နိုင်မယ်ဆိုတာကျွန်မယုံကြည်တယ်လေ။ အဖေက ကျွန်မအတွက်တော့ လုံခြုံရာအရပ် ပါပဲ။ ဘဝရဲ့ မုန်တိုင်းတွေကို အဖေက အရှေ့ကနေ မားမားမတ်မတ် ရင်ဆိုင်ပေးခဲ့လို့သာ ကျွန်မကတော့ နွေးထွေးတဲ့ အိမ်ကလေးထဲမှာ အေးအေးဆေးဆေး အိပ်စက်ခွင့်ရခဲ့တာ။ ကျွန်မရဲ့ ဘဝကို အကောင်းဆုံးဖြစ်အောင် ပံ့ပိုးပေးပြီး၊ ကျွန်မ စိတ်ချမ်းသာဖို့အတွက် အဖေက သူ့ရဲ့ ဆန္ဒတွေကိုတောင် အမြဲဦးစားပေး စတေးခဲ့တာကို အခုမှ ပြန်တွေးမိပြီး ပိုသိတတ်လာရပါတယ်။ တကယ်တော့ ကျွန်မရဲ့ ဘဝက တခြားသူတွေထက် ပိုလွယ်ကူနေတယ်လို့ ခံစားရတာဟာ အဖေက ကျွန်မအတွက် ခက်ခဲတဲ့အရာမှန်သမျှကို သူ့ပုခုံးပေါ်တင်ပြီး ထမ်းပိုးပေးထားလို့ဆိုတာ နားလည်ခဲ့ပါပြီ။ အဖေ့ရဲ့ မေတ္တာရိပ်အောက်မှာ ရှိနေသရွေ့ ကျွန်မဟာ ကမ္ဘာပေါ်မှာ အပျော်ဆုံးနဲ့ ကံအကောင်းဆုံး မိန်းကလေးတစ်ယောက်အဖြစ်ရှိနေမှာအသေအချာပါပဲ။#crd

🫧Lia🦩

Open In TikTok:

Region: MM

Thursday 18 June 2026 11:36:17 GMT