@milissamlissa2: الجزء 29 هدرلي كلام خلاني للمرة الالف نهز يدي نمسح دموعي لخرى خلاص ناض ضرب لعصا فالارض قاليي عقربة كيفك طيح بكلمتي عالارض تتلاقا سما مع الارض ياا ليوم تعيا مزوجة بيه وداري محرمة عليك بقاي سارحة بعيد علياا - هنا قصدو نتق.... بعيد عليه - لبنات راني نسرد كيما راهي متتشوكاوش كاين والدين اكثر من هكدا طفح لكيل رفعت انضاري ليه قت لو حتى انا تتلاقا السما مع الارض ماني مزوجة بيه ولي فيدك ديرو فتح عينيه فياا موالفة ديما نسكت ديما نرد لقلبي والفو يمرمدوني يس بوني الظلم لي تعرضتلو والضيقة لي فقلبي نطقتني ناض ليا هاز لعصا شفتو جاي جبهتي عيطت نبكي علابالي يهزني حيا يرميني مي// تة لصقت فالشوكة قبل ما يوصل تفتح لباب دخل حيدر وراه زوج رجال في زوج لابسين كوستيم واحد عرفتو نهار الشوفة جا معاهم وواحد هاز محفظة فيديه قبل لا توصل يد بابا علياا حبسوو حيدر بصوتو قالوو وديرهاا قسما بالله تبات فالحبس بابا غير سمع الحبس نزل يدو قالو روح ا***** - اسمو - بسباب بنتك رجعو يهددو فييك بالحبس هربت من تحت رحت نجري عندو دوك زوج رجال بقاو يخزروو جبدني من يدي قالي قتلك متهدريش معااه حتى نجي لصقت فيه قتلو مهدرتش والله يسقسي فيا كون منجاوبش ينوض ليا دار لوحد الراجل قالو بابا ادخل بقيت نشوف من جنب عيني دخلو باباه راح عند بابا سلم عليه بالوجه وباليد بابا عرفو بسك جا فالشوفة قالوو خير ما عملتي كي جيتي غير شويا كنت نفهم فيها ابنيتي نعلي شيطان غلطة وصرات نحلوها بشوي .. اما الراجل لاخر لي هاز المحفظة فتحها جبد وراق منها .. حيدر شد يدي جبدني وراه بقيت ساكتة غير نشوف بعيني باباه قال لبابا الطفلة متفهمش بالعنف غلطت كاين اسلوب الحوار ياك كبيرة وتفهم الضرب مايزيد غير يعقد الامور راحو قعدو فالكراسة تاع البيرو لي لقدام اما داك الراجل طلع نوتار وقف فالنص بيناتهم وانا وحيدر رجعنا ورا البيرو فالكرسي تاعو نطق داك الراجل بعدما حط زوج وراق فوق البيرو قالو قولها توقع هناا اشارلوو لتحت الورقة منين كاين التوقيع كان بنذ مكتوب باللغة الفرنسية مافهمت فيه والوو حيدر جبد الورقة قربها لياا زاد جبد قلم عطاهولي قالي وقعي جيت ننتر يدي من يدو شدها مبغاش يطلق شفت معاه نطقت بشوية محايبتهش يسمعو قتلو منشكيش بطلت افهم قالي ماشي تاع الشكوى هاديك صاي انسايها قتلو تعواه مالا قالي حاجة خرى لازم ديرها باش تسهليلي امور ليا قتلو تحتاجها نتا قالي ايه البناات ياك عاوني بزاف أمني ضد ولد عمو وقف معاي مترددتش ولو للحظة شديت القلم من يدو سنييت منين قالي زاد قلب الورقة سنيت ثلاث خطرات كي خلصت هزهم عطاهم لنوتار قراهم طلب لاكارط تاعي عطاهالو بابا بسك كان جابها معاه قالك نديك تعقدي بزاكي بسيف تأكد من المعلوماات دار باباه شاهد ولا جبد وكالة عطاها لبابا قالو سيد ****** تقبل تكون وكيل على قسمة ايناس ***** التابعة لوزين ****** تحت مدة المقرر ذكرهاا فتاريخ ****** بوجود الشاهدة ****** بابا من الصدمة وقف يكبر فتحت فمي من مصدومة شفت مع حيدر نرمش بزربة نحاول نستوعب قتلوو متفاهمنااش هكداااا علااااش كذبتيي عليااا شفت مع نوتار قتلوو منييش قابلة علاش مهدرتوليش قبل ما نوقع سكتنيي بابا قالوو قابل قابل وين نوقع وييين الورقة كلاهاا سنيا بزربة ومدها لبابا زاد وقع قالوو لكان نزيد نبصم ويين جيت نهدر قاطعني حيدر قالو الحاج راك وكيل لبنتك في قسمة تاع لوزين ولدك يرجع يخدم عندك بشكل العام اما القسمة مكتوبة على ايناس هي تمدلكم خلاصكم رصيت على سناني نبعد في يدي في يدو قتلوو منقبلششش طلق يديي منحتاااجش مردليش كأنو منيش نهدر حط يدو على كتفي لاخر مثبتني قالو نرجعو لموضوعنا الاهم لحاج تمدلي بنتك على سنة الله ورسوله هام تابعو صفحة قصص إيمان أمونة ❌️❌️❌️
