کچھ لوگ فقیرانہ مزاجوں میں بھی اخلاص کی دولت رکھتے ہیں، سوکھے پتوں پر پل کر بھی دریاؤں جیسی سخاوت رکھتے ہیں۔ بکری تو بیاباں کی گھاس چرتی ہے، مگر دودھ میں مٹھاس بھر دیتی ہے، اپنے حصے کی سختیاں سہہ کر دوسروں کی زندگی سنوار دیتی ہے۔ اور سانپ کو چاہے دودھ پلاؤ، چاندی کے پیالوں میں پال لو، اس کے سینے میں پوشیدہ زہر احسان کی حرمت کہاں سمجھتا ہے۔ فطرت کے صحیفے پر لکھی تحریر تقدیروں سے پہلے بولتی ہے، جس مٹی سے کردار اُگتا ہے وہی انسان کی اصل کھولتی ہے۔ کچھ لوگ چراغوں کی مانند ہوتے ہیں، خود جلتے ہیں، روشنی دیتے ہیں، اور کچھ سایوں کی صورت رہ کر ہر نعمت پر اندھیرا کرتے ہیں۔ بعض دل سمندر سے گہرے ہوتے ہیں، جن میں وفا کے موتی پلتے ہیں، اور بعض سینے ایسے بھی ہوتے ہیں جہاں حسد کے ناگ مچلتے ہیں۔ احسان اگر نااہل پر برس جائے تو ریت پہ بارش بن جاتا ہے، اور اہلِ دل پر ہو تو وہی صدیوں کا سرمایہ بن جاتا ہے۔ دولت، شہرت، حسب و نسب سے بڑھ کر انسان کا باطن بولا کرتا ہے، کیونکہ خوشبو کبھی لباسوں سے نہیں بلکہ پھول کے جوہر سے آیا کرتی ہے۔ یاد رکھو! چاند اگر کیچڑ میں بھی اُتر آئے تب بھی اپنی چاندنی نہیں کھوتا، اور کوئلہ سونے کے محل میں رہ کر بھی اپنی سیاہی نہیں دھوتا۔ اس لیے احسان بھی سوچ سمجھ کر کرو، دل کی زمین پہچان کر کرو، کہ کچھ لوگ دعا بن کر لوٹاتے ہیں، اور کچھ خنجر بن کر وار کرتے ہیں۔ نسل دیکھ کر احسان کیا کرو، مگر اس سے بھی بڑھ کر یہ دیکھو، کہ جس دل پر تم کرم کر رہے ہو وہ دل وفا کا مسکن ہے یا فریب کا۔ ✍️ زَہْرَاء رَائِٹْس 💫 #creatorsearchinsights2026 #followformorevideo #foryoupage #fyp #tiktokvirl - @zahra_72110