"ဒီနေ့ တပည့်တွေကို သတိပေးစရာလေးတွေ (၃)ခု လောက်ရှိတယ်။ ပထမတခုက လာဘ်လာဘနဲ့ပတ်သက်ပြီး ဣန္ဒြေမရ မဖြစ်ကြစေနဲ့၊ ဘုရားသားတော် တစ်ပါးအနေနဲ့ အလွန် ရှက်ဖို့ကောင်းတယ်။ "ရစရာရှိရင် ကိုယ်က နောက်ကနေ" "အနစ်နာခံစရာရှိရင် ကိုယ်ကရှေ့ကနေ" ဒီစကားနှစ်ခွန်းကို တပည့်တွေ အသေအချာမှတ်ထား ကြ၊ ကျင့်လည်းကျင့်သုံးကြ။ ဒုတိယတစ်ခုက ရဟန်းဖြစ်ပြီး ကိုရင်လေးတွေကို ဖက်တာ ရင်ခွင်ထဲထားတာတွေ မလုပ်ကြနဲ့၊သာယာ တဲ့စိတ်နဲ့ကိုင်ရင် ဒုက္ကဋ်အာပတ်သင့်တယ်။ သာယာတဲ့စိတ် မပါဘူးဆိုရင်တောင် မသင့်လျော်ဘူး လူဝတ်ကြောင်နဲ့တူတယ်၊ မလုပ်သင့်ဘူး။ အဖက်ခံရ၊ အကိုင်ခံရတဲ့ကိုရင်ကလည်း အတွေ့အထိ ကို သာယာလာတတ်ပြီး အခြောက်စိတ် ပေါက်လာ တတ်တယ်။ တတိယတစ်ခုက စာမေးပွဲနဲ့ ပတ်သတ်ပြီး ဘယ်တော့မှ သီလအပျက်မခံရဘူး။ တစ်မှတ်ရရ နှစ်မှတ်ရရ ရိုးရိုးသားသားဖြေ၊ မရိုးမသား မလုပ်နဲ့၊ သာမဏေဖြေတဲ့ ကိုရင်တွေလည်း ဒီကျောင်း တိုက်မှာ အသက်လိမ်ပြီး ဝင်ခွင့်စာမေးပွဲဖောင်တင် တာ မလုပ်ရဘူး။ မှုရင်း အသက်အတိုင်းပဲ ဖောင်တင်ပြီးဖြေ၊ ဂုဏ်လာဘ် တွေမျှော်ပြီး အသက်တွေလိမ်ပြီးစာဖြေမယ်၊ မရိုးသား တဲ့နည်းနဲ့ စာဖြေမယ်ဆိုရင် ဒါ အလဂဒ္ဒုပမာ (မြွေဖမ်း တဲ့နည်းနဲ့တူတဲ့) စာသင်နည်းပဲ။ ဒီလို မကောင်းတဲ့စိတ်နဲ့ စာသင်တာက ကိုယ့်အတွက် ဒုက္ခရောက်ဖို့ပဲဖြစ်တယ်။ အဋ္ဌကထာဆရာကပြောတယ်၊ မကောင်းတဲ့စိတ်နဲ့ စာသင်မယ့်အစား အိပ်နေတာက ကောင်းသေးတယ်တဲ့။ အိပ်နေတာ အကုသိုလ်မဖြစ်ဘူး ဘဝင်စိတ်ပဲဖြစ်နေ တာလေ" အရှင်အဘယာလင်္ကာရ (မဟာဝိဟာရဝါသီ) #ဆုံးမသြဝါဒ #ဘုန်းတော်လေး #KSCF#foryoupage #fypシ゚ - @ko.shine.charity